অতীজৰে পৰা সমগ্ৰ বিশ্বতে মানৱ জাতিয়ে মদ্যপান কৰি আহিছে। কেৱল সেয়াই নহয়, দিনক দিনে বৃদ্ধি পাইছে মদ্যপায়ীৰ সংখ্যা। কিন্তু, মদ্যপানৰ ক্ষেত্ৰত পৃথিৱীৰ কোনখন দেশ আগবাঢ়ি আছে জানেনে? তাৰোপৰি আমাৰ দেশ ভাৰতো এই তালিকাত কোন স্থানত আছে? এই প্ৰতিবেদনত আমি এই সন্দৰ্ভত বিতং তথ্য দাঙি ধৰিম।
প্ৰথম কথা, মদ্যপানৰ ক্ষেত্ৰত আগবাঢ়ি থকা দেশখন হ’ল ছিচেলছ। পূব আফ্ৰিকাৰ এই দেশখনত প্ৰতিজন ব্যক্তিয়ে বছৰি সেৱন কৰা মদ্যপানৰ পৰিমাণ ২০.৫ লিটাৰ। ইফালে, worldranking.com ৱেবছাইটত দিয়া তথ্য অনুসৰি এই তালিকাত উগাণ্ডাৰ দ্বিতীয় স্থানত আছে। সেই দেশত বাৰ্ষিক প্ৰতিজন আনুহে ১৫.৯ লিটাৰকৈ মদ পান কৰে।
এই তালিকাত তৃতীয় স্থানত আছে চেক গণৰাজ্য। এই দেশত বছৰি প্ৰতিজন মানুহে ১৪.৪৫ লিটাৰ সুৰা সেৱন কৰে। আনহাতে লিথুৱেনিয়া চাৰি নম্বৰত আছে। লিথুৱেনিয়াত বাৰ্ষিক প্ৰতিজন মানুহে গড় হিচাপত ১৩.২২ লিটাৰ মদ সেৱন কৰে। লগতে পঞ্চম স্থানত আছে লাক্সেমবাৰ্গ। সেই দেশত প্ৰতিজন ব্যক্তিয়ে বছৰি ১২.৯৪ লিটাৰ সুৰা কৰে।
সুৰা সেৱনৰ ক্ষেত্ৰত ভাৰতৰ স্থান কিমান? মদ্যপানৰ ক্ষেত্ৰত এই প্ৰকাশিত তালিকাত ভাৰতৰ স্থান ১০৩। জনমূৰি হিচাপত ভাৰতত প্ৰতিজন মানুহে বছৰি ৫.৫৪ লিটাৰকৈ মদ পান কৰে।
