Covid New variant Omicron: পুনৰ কৰ’নাৰ আতংকৰ খৱৰে উদ্বেগ বৃদ্ধি কৰিছে জনসাধাৰণৰ। ডেল্টা প্ৰজাতিৰ পাছত এইবাৰ কৰ’নাৰ নতুন প্ৰজাতিক লৈ বৃদ্ধি পাইছে আশংকা। দক্ষিণ আফ্ৰিকাত সন্ধান পোৱা কোভিড-১৯ৰ এই নতুন ভেৰিয়েন্টক লৈ উদ্বিগ্ন বিশ্ব স্বাস্থ্য সংস্থা।
কৰ’নাৰ এই নতুন ভেৰিয়েন্ট B.1.1 529 ৰ WHOই নাম ৰাখিছে Omicron। বিশ্ব স্বাস্থ্য সংস্থাই এই নতুন ভেৰিয়েন্টক লৈ উদ্বিগ্নতা প্ৰকাশ কৰিছে।
বিশ্ব স্বাস্থ্য সংস্থাৰ এক বিবৃতিত কোৱা হৈছে যে এই ভাইৰাছৰ প্ৰাথমিক গৱেষণাত ভাইৰাছটো বহু বাৰ মিউটেট হোৱা দেখা গৈছে অৰ্থাৎ বিৱৰ্তন ঘটি ই আৰু অধিক সংক্ৰামক হৈ পৰিছে। আন ভেৰিয়েন্টৰ তুলনাত নতুন কৰ’না B.1.1 529 ভেৰিয়েন্ট অধিক দ্ৰুতভাৱে সংক্ৰমণ ঘটাৰ লগতে ই বাৰে বাৰে সংক্ৰমিত কৰাৰ আশংকা আছে।
Also Read: Sharbat Gula তালিবানৰ সন্ত্ৰাস! দেশ এৰিলে বিশ্বৰ পৰিচিত সেউজীয়া চকুৰ সেই আফগান নাৰীয়ে
দক্ষিণ আফ্ৰিকাৰ সকলো দিশে এই নতুন ভেৰিয়েন্ট বিয়পি পৰিছে। বৰ্তমানলৈ কোভিড পিচিআৰ টেষ্টতে এই ভাইৰাছটোক চিহ্নিত কৰিব পৰা গৈছে। কিন্তু ক্ষিপ্ৰতাৰে ইয়াৰ জিনগত পৰিৱৰ্তন ঘটোৱা প্ৰৱণতাৰ বাবে চিন্তিত হৈ পৰিছে গৱেষকসকল।
বিশ্ব স্বাস্থ্য সংস্থাৰ শুকুৰবাৰে অনুষ্ঠিত টেকনিকেল এডভাইছাৰী বৈঠকত নতুন ভেৰিয়েন্টৰ চৰিত্ৰগত দিশৰ ওপৰত আলোচনা কৰা হয়।
Also Read:Inter-State Border Disputes সীমা বিবাদ মীমাংসাৰ বাবে অসম আৰু মিজোৰাম চৰকাৰে গঠন কৰিব কমিটি
দক্ষিণ আফ্ৰিকাত এই নতুন ভেৰিয়েন্টৰ সংক্ৰমণ আৰম্ভ হৈছে আৰু দেশখনৰ বিভিন্ন প্ৰান্তত সংক্ৰমণ বৃদ্ধি পাইছে। গৱেষকসকল চিন্তিত হোৱাৰ আন এটা কাৰণ হৈছে এই ভেৰিয়েন্টে ভেকচিনৰ কাৰ্যকৰিতাকো প্ৰত্যাহ্বান জনোৱাৰ সম্ভাৱনা আছে।
