মহাৰাষ্ট্ৰ আৰু ঝাৰখণ্ডৰ বিধানসভা নিৰ্বাচনৰ নিৰ্বাচনী সমীক্ষা প্ৰকাশ পাইছে। কেইবাটাও সমীক্ষাত দেখা গৈছে যে প্ৰাৰম্ভিক ধাৰাত বিজেপি আৰু ইয়াৰ মিত্ৰ দলসমূহে আগবাঢ়ি আছে।মহাৰাষ্ট্ৰত পি মাৰ্ক বুথৰ সমীক্ষাত দেখা গৈছে যে বিজেপি আৰু ইয়াৰ মিত্ৰ দলসমূহে ১৩৭ৰ পৰা ১৫৭খন আসনৰ ভিতৰত জয়ী হোৱাৰ সম্ভাৱনা আছে। কংগ্ৰেছ বা মহা বিকাশ আঘাড়ীৰ সৈতে ইণ্ডিয়া মিত্ৰজোঁটে ১২৬ৰ পৰা ১৪৬খন আসন লাভ কৰিব পাৰে। আনসকলে ২-৮ খন আসন পাব পাৰে বুলি প্ৰকাশ পাইছে।
আনহাতে, মহাৰাষ্ট্ৰত মহাজোঁট বা শাসকীয় মিত্ৰজোঁটে পুনৰ চৰকাৰ গঠন কৰিব পাৰে বুলি মাট্ৰিজৰ সমীক্ষাত ভৱিষ্যদ্বাণী কৰা হৈছে। তেওঁলোকৰ বুথ প’লৰ পৰা অনুমান কৰিব পাৰি যে বিজেপি আৰু ইয়াৰ মিত্ৰ দলসমূহে ১৫০-১৭০খন আসন লাভ কৰিব পাৰে। আনহাতে বিৰোধী মিত্ৰজোঁটে ১১০-১৩০খন আসন লাভ কৰিব পাৰে। অন্যানই পাব পাৰে ৮-১০ খন আসন।
পিপলছ পালছ প্ৰজেক্টৰ তথ্য অনুসৰি মিত্ৰজোঁটে বৃহৎ ব্যৱধানত জয়লাভ কৰিবলৈ সাজু হৈছে। ২৮৮খন আসনৰ মহাৰাষ্ট্ৰ বিধানসভা নিৰ্বাচনৰ একক সংখ্যাগৰিষ্ঠতাৰ সংখ্যা ১৪৫টা। এই মহাজোঁট মিত্ৰতাই ১৮২ (১৭৫-১৯৫) পাব পাৰে। আনহাতে মহা বিকাশ আঘাড়ীয়ে ৯৭খন (৮৫-১১২) আসন লাভ কৰিব পাৰে।অন্যান্যই পাব ৭-১২ খন আসন।
আনহাতে, ঝাৰখণ্ডত প্ৰায়বোৰ বুথ প’ল জৰীপৰ প্ৰতিবেদনে হেমন্ত ছোৰেনৰ নেতৃত্বত জিএমএম-কংগ্ৰেছ-আৰজেডি মিত্ৰজোঁটৰ ক্ষমতালৈ অহাৰ স্পষ্ট আভাস দিছে। অৱশেষত কি হ’ব সেয়া ২৩ নৱেম্বৰ অৰ্থাৎ শনিবাৰে জানিব পৰা যাব।
Axis My India booth return survey ৰ মতে হেমন্ত ছোৰেনে ঝাৰখণ্ডত চৰকাৰ গঠন কৰিব। আনহাতে, টাইমছ নাওৱে কয়, ঝাৰখণ্ডত বিজেপি পুনৰ ক্ষমতালৈ আহিছে।
চাণক্যৰ বুথ ৰিটাৰ্ণ সমীক্ষাত কোৱা হৈছে যে মহাৰাষ্ট্ৰৰ ১৫০ৰ পৰা ১৬০খন আসন লাভ কৰি এন ডি এয়ে ক্ষমতাত থাকিব। চাণক্যই কংগ্ৰেছ, শিৱসেনা (ইউটিবি) আৰু শাৰদ পাৱাৰৰ এনচিপিক ১৩৮ খন আসনৰ বিপৰীতে বিজেপিৰ মিত্ৰজোঁটক ১৩৮ খন আসন দিয়ে। ঝাৰখণ্ডতো তেওঁলোকে এন ডি এক জয়ী হিচাপে প্ৰকাশ কৰিছে।
মুঠতে বেছিভাগ বুথ ৰিটাৰ্ণ সমীক্ষাই ৰাজ্য দুখনত বিজেপি নেতৃত্বাধীন এন ডি এক দেখুৱাইছে৷
