বজাৰৰ পৰা ফলমূল কিনো দেখা যায় যে বিভিন্ন ফলত সৰুকৈ ষ্টীকাৰ লগোৱা দেখা যায়। বহুতে ভাবে যে ফলৰ এই ষ্টিকবোৰ সম্ভৱতঃ গুণগত মানৰ সূচক।
আনকি, কিছুমানে ভাবে, এই ফলবোৰ সম্ভৱতঃ বহিঃৰাজ্যৰ পৰা আমদানি কৰা হয়। কিন্তু সচাঁকৈয়ে নেকি?
ভাৰতীয় খাদ্য সুৰক্ষা আৰু মানদণ্ড কৰ্তৃপক্ষ’ বা ‘এফ এছ এছ এ আই’ত কোৱা হৈছে যে ফলৰ গুণগত মান, মূল্য আৰু প্ৰক্ৰিয়া বুজিবলৈ বিশ্বৰ বিভিন্ন দেশত এনে ষ্টীকাৰ ব্যৱহাৰ কৰা হয়।
কিন্তু ভাৰতত তেনে কোনো নিয়ম একেবাৰেই নাই। বৰঞ্চ ফলৰ দোষবোৰ ঢাকিবলৈ বা ফলটো আন ফলতকৈ ভাল বুলি প্ৰমাণ কৰিবলৈ এনে ষ্টীকাৰ ব্যৱহাৰ কৰা হয়। বহু সময়ত গ্ৰাহকক এনে ষ্টীকাৰ দেখুৱাই অধিক দাম বিচৰা হয়।
গতিকে বিশেষজ্ঞসকলে কয় যে কেৱল ফলটোৰ ওপৰত থকা ষ্টীকাৰটো চাই ফলটো ভাল বুলি ভবাৰ কোনো কাৰণ নাই। তদুপৰি বিশেষজ্ঞসকলে কয় যে ফলটোৰ ওপৰত যিবোৰ ষ্টীকাৰ ব্যৱহাৰ কৰা হয় সেইবোৰৰ বিশেষ নিৰীক্ষণ নাই। গতিকে এই ধৰণৰ আঠাত ব্যৱহৃত ৰাসায়নিক পদাৰ্থ স্বাস্থ্যৰ বাবে ক্ষতিকাৰক হ’ব পাৰে বুলি একাংশ বিশেষজ্ঞই ভাবে।
কিন্তু পৃথিৱীৰ সকলো দেশতে ফলত লগোৱা ষ্টীকাৰ অৰ্থহীন নহয়। যদি ষ্টীকাৰত চাৰিটা অংকৰ ক’ড থাকে তেন্তে ইয়াৰ অৰ্থ হ’ল ফল উৎপাদনত সাধাৰণ সাৰ আৰু কীটনাশক ব্যৱহাৰ কৰা হৈছে বুলি আইএফপিএছে কয়। যদি ক’ডটো পাঁচটা অংক আৰু ক’ডৰ প্ৰথম অংকটো ৮ হয়, তেন্তে ইয়াৰ অৰ্থ হ’ল যে ফলটো ‘জিনীয়ভাৱে পৰিৱৰ্তিত’। আৰু যদি পাঁচ অংকৰ ক’ডটো ৯ ৰে আৰম্ভ হয় তেন্তে তাৰ অৰ্থ হ’ল ফলটো সম্পূৰ্ণ জৈৱিক পদ্ধতিৰে খেতি কৰা হৈছে।
