আৰম্ভ হ’ল আৰু এটা নতুন বছৰ।সলনি হৈ পৰিল কেলেণ্ডাৰ।সমগ্ৰ বিশ্বতে ১জানুৱাৰিৰ দিনটো নতুন বছৰৰ প্ৰথম দিন হিচাপে ধৰা হয়।
দৰাচলতে গ্ৰেগৰিয়ান কেলেণ্ডাৰ অনুসৰি এই হিচাপ কৰা হয়। অৱশ্যে, গ্ৰেগৰিয়ান কেলেণ্ডাৰৰ বাহিৰেও বিশ্বৰ বিভিন্ন প্ৰান্তত বিভিন্ন ধৰণৰ কেলেণ্ডাৰ প্ৰচলিত আছে।
কিন্তু সমগ্ৰ বিশ্বতে গ্ৰেগৰিয়ান কেলেণ্ডাৰ অনুসৰিয়েই নৱবৰ্ষ উদযাপন কৰা হয়।
১৫৮২ চনত গ্ৰেগৰিয়ান কেলেণ্ডাৰ আৰম্ভ হৈছিল। আজিৰ পৰা প্ৰায় ৪৩৮ বছৰ পূৰ্বৰে পৰা লাহে লাহে বিশ্বৰ সকলো দেশতে গ্ৰেগৰিয়ান কেলেণ্ডাৰৰ প্ৰচলন আৰম্ভ হয়।
ভাৰতকে ধৰি এছিয়াৰ আন দেশসমূহত কেইশ বছৰ পাছতহে গ্ৰেগৰিয়ান কেলেণ্ডাৰৰ প্ৰচলন আৰম্ভ হয়। ইয়াৰ পূৰ্বে ৰাছিয়াৰ জুলিয়ান কেলেণ্ডাৰৰ প্ৰচলন আছিল।
জুলিয়ান কেলেণ্ডাৰত এক বছৰত ১০মাহ আছিল আৰু তাত খ্ৰীষ্টমাছ কোনো নিৰ্দিষ্ট দিনত পৰা নাছিল।
১৫৮২চনৰ ১৫ অক্টোবৰত আমেৰিকাৰ এল’ছিয়াছ লিলিয়াছে খ্ৰীষ্টমাছক দিন হিচাপে ঠিক কৰাৰ বাবে গ্ৰেগৰিয়ান কেলেণ্ডাৰ আৰম্ভ কৰে।
এই কেলেণ্ডাৰ অনুসৰি জানুৱাৰিক বছৰৰ প্ৰথম মাহ আৰু বছৰটোৰ শেষ ডিচেম্বৰ মাহ কৰাৰ লগতে ডিচেম্বৰৰ ২৫ তাৰিখটো খ্ৰীষ্টমাছৰ বাবে দিন হিচাপে ধাৰ্য হয়।
সাধাৰণতে সূৰ্য চক্ৰৰ ভিত্তিত প্ৰস্তুত কৰা কেলেণ্ডাৰত বছৰত ৩৬৫দিন থাকে। বৰ্তমান বিশ্বত প্ৰচলিত গ্ৰেগৰিয়ান কেলেণ্ডাৰ চক্ৰৰ ভিত্তিত প্ৰস্তুত কৰা কেলেণ্ডাৰ।
আনহাতে, চন্দ্ৰ চক্ৰৰ ভিত্তিত প্ৰস্তুত কৰা জুলিয়ান কেলেণ্ডাৰত বছৰত ৩৫৪দিন থাকে।
