ডাইনীৰ সন্দেহৰ বলি হ’ল দক্ষিণ দিনাজপুৰৰ এটা পৰিয়াল! বলপূৰ্বকভাৱে মল খুৱাবলৈ বাধ্য কৰে গাঁৱৰ ৰাইজে
অজিও অন্ধ বিশ্বাসৰ কৱলৰ পৰা মুক্ত হোৱ নাই মনুহৰ মন। পুনৰ ডাইনীৰ বলি হ’ল পশ্চিম বংগৰ, দক্ষিণ দিনাজপুৰৰ এটা সমগ্ৰ পৰিয়াল। গাঁৱৰ ৰাইজে পৰিয়ালটোৰ তিনিজন সদস্যক বলপূৰ্বকভাৱে মল খুৱাবলৈ বাধ্য কৰাইছিল আৰু তাৰ পিছত মাৰপিট কৰিছিল। ইতিমধ্যে এই ঘটনাত জড়িত ৬ জন লোকক আৰক্ষীয়ে গ্ৰেপ্তাৰ কৰিছে বুলি জনিব পৰা গৈছে।
এই ঘটনা সংঘটিত হৈছে দক্ষিণ দিনাজপুৰৰ গংগাৰামপুৰৰ বসুৰীয়া গ্ৰাম পঞ্চায়তৰ ভদ্ৰ ৰায়পাৰা অঞ্চলত। শুকুৰবাৰে আটকাধীন লোককেইজনক আদালতত হাজিৰ কৰোৱা হয়। গংগাৰামপুৰৰ এছডিপিঅ’ দিপাঞ্জন ভট্টাচাৰ্যই কয়, ‘খবৰ পোৱাৰ লগে লগে আমি সেই স্থানলৈ গৈছিলো। তিনিজন লোকক উদ্ধাৰ কৰি চিকিৎসালয়ত ভৰ্তি কৰোৱা হৈছে। বৰ্তমন তেওঁলোক চিকিৎসাধীন হৈ আছে বুলি জানিবোলৈ দিছে।
সম্প্ৰতি গাঁৱৰ পৰিস্থিতি স্বাভাৱিক অৱস্থালৈ ঘুৰি আহিছে বুলি জানিব পৰা গৈছে। স্থানীয় সূত্ৰই দাবী কৰিছে যে যোৱা দুমাহত ভদ্ৰ ৰয়পাৰাত কেইবাজনো লোকৰ মৃত্যু হৈছে। ইয়াৰ ফলত গাঁওবাসীৰ মাজত আতংকৰ সৃষ্টি হৈছে। গাঁৱৰ একংশ লোকে কোনোবাই ‘কু-কইদাৰে’ গাঁৱৰ মানুহক হত্যা কৰা বুলি সন্দেহ কৰিছে। এই সন্দৰ্ভত তেওঁলোকে এজন তান্ত্ৰিকৰ সৈতেও কথা পাতিছিল। ইয়াৰ পিছত তান্ত্ৰিকৰ নিৰ্দেশমৰ্মে বৃহস্পতিবাৰে নিশা শ্মশান ক্ষেত্ৰখনত পূজা কৰি পৰমেশ্বৰ ৰায় নামৰ এজন গাঁৱৰ লোকৰ ঘৰত অভিযান চলায়।
পৰমেশ্বৰৰ পত্নী পতন ৰায়ক ডাইনী বুলি অভিযোগ কৰি তাত মাৰপিট কৰাৰ অভিযোগ উত্থাপন হৈছে। মহিলাগৰাকীয়ে গাওঁবাসীক হত্যা কৰাৰ অভিযোগ উত্থাপন কৰি গাঁওবাসীয়ে পৰিয়ালটোৰ তিনিজন সদস্যক মাৰপিট কৰে। তথ্য লাভ কৰাৰ লগে লগে গংগাৰামপুৰ থানাৰ আই চিকে ধৰি আৰক্ষী বাহিনী সেই স্থানত উপস্থিত হয়। আৰক্ষীয়ে আহতসকলক উদ্ধাৰ কৰি গংগাৰামপুৰ ছুপাৰ স্পেচিয়েলিটি হস্পিতালত ভৰ্তি কৰে। বৰ্তমান গংগাৰামপুৰ ছুপাৰ স্পেচিয়েলিটি হাস্পতালত তিনি আহত চিকিৎসাধীন হৈ আছে।