আজি লোকসভা নিৰ্বাচনৰ প্ৰথমটো পৰ্যায়ৰ ভোট গ্ৰহণৰ সময়ত শোণিতপুৰ জিলাৰ ন-দুৱাৰৰ ২১৫ আৰু ২১৬ নম্বৰ ভোটগ্ৰহণ কেন্দ্ৰত সংঘটিত হয় এক চাঞ্চল্যকৰ ঘটনা।
ভোটগ্ৰহণ প্ৰক্ৰিয়া চলি থকাৰ সময়তে মুস্তানা বেগম নামৰ এগৰাকী মহিলাই সৃষ্টি কৰে অনাহূত পৰিস্থিতিৰ।
প্ৰত্যক্ষদৰ্শীয়ে জনোৱা মতে, বেগমে ভোটগ্ৰহণ কেন্দ্ৰত প্ৰৱেশ কৰি ভোটাৰক কংগ্ৰেছ দলক ভোট দিবলৈ জোৰ কৰে।
মহিলাগৰাকীৰ এই কাৰ্য্যই সমগ্ৰ ভোটগ্ৰহণ প্ৰক্ৰিয়াটোত অশান্তিৰ সৃষ্টি কৰে। লগে লগে বিষয়টোত স্থানীয় ভোটগ্ৰহণ কৰ্তৃপক্ষই হস্তক্ষেপ কৰে। তাৰপিছত সেই স্থানত আৰক্ষীৰ দল উপস্থিত হৈ মহিলাগৰাকীক গ্ৰেপ্তাৰ কৰে।
