ৰাস্তাৰ মাজতে মহিলা অধিবক্তাক উপৰ্যুপৰি ‘লাথি-চৰ, ভুকু’; সহায়ৰ বাবে আগবাঢ়ি নাহিল কোনো! (ভিডিঅ’)
একেৰাহে উপৰ্যুপৰি চৰ, ভুকু শোধাইছে আৰু লথিয়াই গৈছে। ৰাস্তাৰ মাজতে এনেদৰে এজন পুৰুষে এগৰাকী মহিলাক প্ৰহাৰ কৰি গৈছে অথচ এই সকলোবোৰ দেখিও কোনো লোকে মহিলাগৰাকীক উদ্ধাৰ কৰিবলৈ আগবাঢ়ি অহা বা এবাৰ প্ৰতিবাদ কৰা দেখা নগ’ল।
কৰ্ণাটকৰ বিনায়ক নগৰ অঞ্চলত শনিবাৰে আবেলি এনে ধৰণৰ এক ঘটনা সংঘটিত হয়। এই ঘটনাত এজন পুৰুষৰ বিৰুদ্ধে ৰাস্তাত এগৰাকী মহিলা অধিবক্তাক প্ৰহাৰ কৰাৰ অভিযোগ উত্থাপিত হৈছে।
অভিযুক্তজনে মহিলা অধিবক্তাগৰাকীক উপৰ্যুপৰি লাথি, চৰ, ভুকু মাৰি গৈছে। মহিলা অধিবক্তাক প্ৰহাৰৰ এই ভিডিঅ’ ইতিমধ্যে সামাজিক মাধ্যমত ভাইৰেল হৈ পৰিছে। কিন্তু আটাইতকৈ আচৰিত কথাটো হ’ল চকুৰ আগত অন্যায় দেখিও মহিলাগৰাকীক সহায় কৰিবলৈ কোনেও আগবাঢ়ি অহা নাছিল।
জানিব পৰা মতে মহিলাগৰাকীৰ নাম সংগীতা। তেওঁ পেছাত এগৰাকী অধিবক্তা। আনহাতে, অভিযুক্তজনৰ নাম মহান্তেশ। অভিযুক্তক ইতিমধ্যে আৰক্ষীয়ে গ্ৰেপ্তাৰ কৰিছে।
Trigger warning: A lawyer was brutally assaulted by a man named Mahantesh in Vinayak nagar, Bagalkot, Karnataka. pic.twitter.com/kZ3OpUeKbi
— Mohammed Zubair (@zoo_bear) May 14, 2022
আৰক্ষীৰ জেৰাৰত অভিযুক্তই কয় যে সংগীতা নামৰ অধিবক্তাগৰাকীয়ে সম্পত্তিৰ এক গোচৰত তেওঁক যথেষ্ট অসুবিধাত পেলাইছিল। তেওঁৰ বাবে তেওঁ বহুত হাৰাশাস্তি সন্মুখীন হৈছিল। সেইকাৰণেই তেওঁক হেনো এইদৰে আক্ৰমণ কৰিছিল।