নিৰ্বাচনৰ পূৰ্বে মুখ্যমন্ত্ৰী হিমন্ত বিশ্ব শৰ্মাই প্ৰতিখন নিৰ্বাচনী সভাত গাঁৱৰ মহিলাসকলৰ মাইক্ৰ’ফাইনেন্সৰ ঋণ ৰেহাই দিয়া হব বুলি প্ৰতিশ্ৰুতি প্ৰদান কৰিছিল।
কিন্তু শেহতীয়াকৈ চৰকাৰে মাইক্ৰ’ফাইনেন্সৰ ঋণ ৰেহাইৰ ক্ষেত্ৰত অশোক সিংঘলৰ নেতৃত্বত তদন্ত কমিটিয়ে যি নীতি-নিৰ্দেশনা বান্ধি দিছে তাক লৈ মুঠেই সন্তুষ্ট নহয় ৰাজ্যৰ মহিলাসকল।
ইয়াকে লৈ ৰাজ্যৰ বিভিন্ন প্ৰান্তত মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে প্ৰতিবাদ সাব্যস্ত কৰিছে মহিলাই।
আজি শিৱসাগৰৰ আমগুৰিতো দেখা গৈছেএনে প্ৰতিবাদৰ দৃশ্য। ভুক্তভোগী মহিলাক লৈ ছাত্ৰ মুক্তিয়ে সাৱ্যস্ত কৰে প্ৰতিবাদ।
সংগঠনটোৱে মুখ্যমন্ত্ৰী হিমন্ত বিশ্ব শৰ্মাক গ্ৰাম্য অঞ্চলৰ ভুক্তভোগী মহিলাক লৈ আঁভুৱাভৰা ৰাজনীতি নকৰিবলৈ আহ্বান জনাইছে।
সকলো মহিলাৰ ঋণ মাফ নকৰিলে ভুক্তভোগী মহিলাকলৈ চৰকাৰৰ বিৰুদ্ধে ৰাজপথলৈ ওলাই অহাৰ হুংকাৰ দিছে ছাত্ৰ মুক্তি সংগ্ৰাম সমিতিয়ে।
মুখ্যমন্ত্ৰী হিমন্ত বিশ্ব শৰ্মাক গ্রাম্য অঞ্চলৰ ভুক্তভোগী মহিলাক লৈ আঁভুৱাভৰা ৰাজনীতি নকৰিবলৈ আহ্বান জনোৱাৰ লগতে অশোক সিংঘালৰ তদন্ত কমিটিক এক ভেকোভাওনা আখ্যা দিছে প্ৰতিবাদকাৰীসকলে।
