শিৱসাগৰৰ পৰা পাৰ্শ্বজ্যোতি গগৈ
ৰাজ্যৰ লগতে শিৱসাগৰৰ বিভিন্ন স্থানত পালন কৰা হয় বিশ্ব পৰিৱেশ দিৱস।
সমগ্ৰ ৰাজ্যৰ লগতে শিৱসাগৰতো পালন কৰা হয় বিশ্ব পৰিৱেশ দিৱস। শিৱসাগৰৰ মাৰোৱাড়ী যুৱ মঞ্চৰ শিৱসাগৰ প্ৰগতি শাখাই থানুৰাম গগৈ মেম’ৰিয়েল বিদ্যালয়ত বিশ্ব পৰিৱেশ দিৱস পালন কৰে।
বিশ্ব পৰিৱেশ দিৱস উপলক্ষ্যে মৰোৱাড়ী যুৱ মঞ্চৰ প্ৰগতি শাখাই বিদ্যালয়ৰ চৌহদত গছ পুলি ৰোপন কৰাৰ লগতে বিনামূলীয়াকৈ অক্সিজেন চিলিণ্ডাৰো প্ৰদান কৰে।
শিৱসাগৰ নেচাৰ্চ বেকন আৰু ইলোৰা বিজ্ঞান মঞ্চ উদ্যোগত শিৱসাগৰৰ কৰ্মবীৰ ভূৱন চন্দ্ৰ গগৈ মেম’ৰিয়েল অসম পলিটেকনিক হাইস্কুলৰ চৌহদত গছপুলি ৰোপন কৰি বিশ্ব পৰিবেশ দিৱস পালন কৰা হয়।
আনহাতে চিলভাৰ লাইন এডুকেচন এণ্ড ডেভেলপমেণ্ট ছ’ছাইটিৰ দ্বাৰা বিশ্ব পৰিৱেশ দিৱস হিচাপে সেউজ শিৱসাগৰ নামেৰে এক বৃক্ষৰোপণ কাৰ্যসূচী ৰূপায়ণ কৰা হয়।
শিৱসাগৰৰ ঐতিহাসিক কাথপাৰ শ্ৰী শ্ৰী নিত্যানন্দ থান প্ৰাংগণত বৃক্ষৰোপন কৰাৰ লগতে প্ৰগতি চাৰিআলি, বানমুখ, পানবেচা আদি ঠাইত আজি দিনটোত গছপুলি ৰোপণ কৰি বিশ্ব পৰিৱেশ দিৱস পালন কৰা হয়।
কলিয়াবৰৰ পৰা ৰিদিপ শৰ্মা
বিশ্ব পৰিৱেশ দিৱসত কলিয়াবৰৰ ভিন্ন স্থানত বৃক্ষৰোপন আৰু গছপুলি বিতৰণ কৰা হয়।
অসম গণ পৰিষদৰ ১ লাখ গছপুলি ৰোপনৰ কাৰ্যসূচীৰ অংশ বিশেষ হিচাবে কলিয়াবৰতো ভিন্ন স্থানত গছপুলি ৰোপন কৰে।
আনহাতে কৃষিভূমি সংৰক্ষণ সমিতিৰ উদ্যোগত কলিয়াবৰৰ বামুনী-নিজৰি পথত বৃক্ষৰোপন কৰে মহকুমাধিপতি পবিত্ৰ কুমাৰ দাসে।
বিশ্ব পৰিৱেশ দিৱসৰ সংগতি ৰাখি কলিয়াবৰ কেইজনমান সমাজ-সচেতন যুৱকে কলিয়াবৰৰ ভিন্ন প্ৰান্তত বৃক্ষৰোপন কৰাৰ লগতে কলিয়াবৰ প্ৰেছ ক্লাৱৰ সাংবাদিকসকলক একোটাকৈ গছপুলি বিতৰণ কৰে।
বিশ্বনাথৰ পৰা কাজী জেইদুল ইছলাম
বিশ্ববাসীয়ে আজি উদযাপন কৰিলে বিশ্ব পৰিবেশ দিৱস । কভিড পৰিস্থিতিৰ মাজত অনুস্টুপিয়াকৈ উদযাপন কৰা হয় পৰিবেশ দিৱস ।
বিশ্বনাথতো আজি কোভিড নীতি নিৰ্দেশনাৰ মাজত পৰিবেশ দিৱস পালন কৰা হয় ।
গুপ্তকাশী বিশ্বনাথ ঘাটত “সেউজ বিশ্বনাথ” নামৰ স্বেচ্ছাসেৱী সংগঠনৰ উদ্যোগত বিশ্বনাথ মন্দিৰ, বিশ্বনাথ ঘাট নতুন প্ৰাথমিক স্বাস্থ্য কেন্দ্ৰ, নামঘৰ, বিশ্বনাথ ঘাট নদী আৰক্ষী থানাৰ লগতে কেইবাটাও গুৰুত্বপূৰ্ণ প্ৰান্তত মূল্যবান গছপুলি ৰোপণ কৰা হয় ।
গছপুলি সমুহ ৰোপন কৰা লগতে সংৰক্ষণৰ ক্ষেত্ৰতো পদক্ষেপ গ্ৰহণ কৰে স্বেচ্ছাসেৱী সংগঠনটিয়ে ।
ইতিমধ্যে ৰাজ্যৰ কভিড পৰিস্থিতিৰ প্ৰতি লক্ষ্য ৰাখি কোনো ধৰণৰ অনুষ্ঠান অথবা জনসমাগম কাৰ্যসূচী নাৰাখিl কেৱল ৰোপন কাৰ্যসূচীৰে সমাপন কৰা হয় বিশ্ব পৰিবেশ দিৱসৰ ।
উল্লেখ্য যে গুপ্তকাশী বিশ্বনাথ ঘাটৰ পৰা জন্ম লাভ কৰা স্বেচ্ছাসেৱী সংগঠনটিয়ে পৰিৱেশৰ লগত জড়িত বিভিন্ন কাৰ্যসূচী ৰূপায়ণ কৰি সামাজিক ভাৱে যথেষ্ট সমাদৰ লাভ কৰিবলৈ সক্ষম হৈ আহিছে ।
