টোল কৰঃ ৩ হাজাৰ টকাৰ নতুন FASTag বার্ষিক পাছ ঘোষণা নীতিন গাডকাৰীৰ
পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে বুধবাৰে ব্যক্তিগত বাহনৰ বাবে এটা নতুন ধৰণৰ FASTag ভিত্তিক বার্ষিক পাছ ঘোষণা কৰে। এই পাছৰ মূল্য হ’ব ৩,০০০ টকা, আৰু ১৫ আগষ্টৰ পৰা প্ৰযোজ্য হ’ব। এই পাছটো এবছৰ বা ২০০বাৰ যাত্ৰা লৈকে বৈধ হ’ব।
গাডকাৰীয়ে এক্সত পোষ্ট কৰি কয় যে, এই নতুন পাছৰ জৰিয়তে ৰাষ্ট্ৰীয় ঘাইপথত ব্যক্তিগত বাহনৰ মালিকসকলৰ যাতায়ত অধিক সৰল, সুবিধাজনক আৰু খৰচ-কম হ’ব। শীঘ্ৰেই এই পাছ “Rajmarg Yatra” নামৰ মোবাইল এপ আৰু NHAI তথা মন্ত্রালয়ৰ অফিচিয়েল ৱেবছাইটত উপলব্ধ হ’ব, অনলাইন জড়িয়তে ইয়াক সক্ৰিয়কৰণ বা নবীকৰণ কৰিব পাৰিব।
এই নতুন বার্ষিক পাছৰ মূল লক্ষ্য হ’ল ৬০ কিমি ব্যাসাৰ্ধৰ ভিতৰত থকা টোল প্লাজাসমূহত যাতায়তৰ অসুবিধা হ্ৰাস কৰা। একেটা সৰল মাচুল ব্যৱস্থাৰে টোল পৰিশোধ সহজ হ’ব, টোল গেটত অপেক্ষাৰ সময় কমিব আৰু লক্ষ লক্ষ যাত্ৰীয়ে সুবিধা লাভ কৰিব।
বিগত মাহত চৰকাৰে দুটা বিকল্প টোল পলিচিৰ কথা আলোচনা কৰিছিল:
- বছৰৰ বাবে সীমাহীন যাতায়তৰ অনুমতি দিয়া ৩০০০ টকাৰ পাছ।
- প্ৰতি ১০০ কিমি দূৰত্বৰ বাবে ৫০ টকাৰ ফ্লেট টোল।
এইক্ষেত্ৰত ৩০০০ টকাৰ বার্ষিক পাছটো এতিয়া চৰকাৰৰ দ্বাৰা আনুষ্ঠানিকভাৱে অনুমোদন কৰা হ’ল। সেয়ে “জীৱনজোৰা FASTag”ৰ যি ১৫ বছৰৰ বাবে ৩০,০০০ টকাৰ স্কিম আছিল, সেয়া বাতিল কৰা হৈছে। এই নতুন পাছ ব্যৱস্থাত বৰ্তমানৰ FASTag টেকনলজিয়ে কাম কৰিব। যদিও আগন্তুক সময়ত টোল বুথহীন GPS আৰু চেন্সৰ ভিত্তিক স্বয়ংক্ৰিয় টোল সংগ্ৰহ ব্যৱস্থা আৰম্ভ কৰা হ’ব বুলি গাডকাৰীয়ে সদৰী কৰে।