যোৰহাট জিলাৰ টীয়কৰ ভগামুখত টীয়ক আৰক্ষী আৰু ভগামুখ আৰক্ষীয়ে যুটীয়া অভিযান চলাই এক বিশেষ গোপন সূত্ৰৰ পম খেদি এটি পিষ্টল সহ এজন ব্যক্তিক আটক কৰে।
ভগামুখ লাহোৱাল গাঁৱৰ নৱজ্যোতি বৰ কটকী (৫৩ বছৰ) ওৰফে কলীয়া নামৰ ব্যক্তি জনক ঘৰৰ পৰাই আটক কৰে আৰক্ষীয়ে।
লগতে আৰক্ষীয়ে জব্দ কৰে ৭.৬২ এটি পিষ্টল আৰু চৰিটা সজীৱ গুলি।
সম্প্ৰতি ব্যক্তি গৰাকী আৰক্ষীৰ জিম্মাত ৰাখি সোধ পোচ অব্যাহত ৰাখিছে আৰক্ষীয়ে আৰু কাৰাগাৰলৈ প্ৰেৰণৰ ব্যৱস্থা কৰিছে।
উল্লেখযোগ্য যে নৱজ্যোতি বৰকটকী আত্ম সমৰ্পনকাৰী আলফা।বিগত দিনবোৰত তেওঁৰ বিৰুদ্ধে বহুতো আপত্তিজনক গোচৰ থকা বাবে বহুদিনৰ পৰা তেওঁৰ কাম- কাজ আদি আৰক্ষীয়ে নিৰীক্ষণ কৰি আহিছিল আৰু শেহতীয়াকৈ কালি নিশা ঘৰৰ পৰা ব্যক্তিজনক পিষ্টলসহ গ্ৰেপ্তাৰ কৰিবলৈ সক্ষম হৈছে জানিবলৈ দিছে।
