আজি পুৱাই লক্ষ্ণৌত সংঘটিত হৈছে এক চাঞ্চল্যকৰ ঘটনা। কেন্দ্ৰীয় মন্ত্ৰী কৌশল কিশোৰৰ ঘৰৰ পৰা উদ্ধাৰ কৰা হৈছে এজন যুৱক মৃতদেহ। আৰক্ষী সূত্ৰৰ পৰা জানিব পৰা মতে, মন্ত্ৰীগৰাকীৰ পুত্ৰৰ পিষ্টলৰ পৰা গুলী কৰি হত্যা কৰা হৈছে যুৱকজনক।
সূত্ৰ অনুসৰি, শুকুৰবাৰে কাহিলী পুৱা প্ৰায় ৪:৩০ বজাত কেন্দ্ৰীয় মন্ত্ৰী কৌশল কিশোৰৰ পুত্ৰ বিকাশ কিশোৰৰ বন্ধু তথা স্থানীয় বিজেপি নেতা বিনয় শ্ৰীবাস্তৱক গুলীয়াই হত্যা কৰা হয়। যুৱকজনৰ মূৰত গুলী লাগিছিল। থিতাতে তেওঁৰ মৃত্যু হয়। যিটো পিষ্টলৰ পৰা গুলী নিক্ষেপ কৰা হৈছিল, সেই পিষ্টলটো কেন্দ্ৰীয় মন্ত্ৰীৰ পুত্ৰ বিকাশ কিশোৰৰ নামত পঞ্জীয়ন কৰা আছে।
মৃত বিনয় শ্ৰীবাস্তৱৰ পৰিয়ালে দাবী কৰা মতে, বৃহস্পতিবাৰে নিশা বিনয়ে বন্ধু বিকাশক লগ কৰিবলৈ গৈছিল। ৰাতিটো তাতেই থাকি যায়। পুৱাৰ ভাগত তেওঁৰ মৃতদেহ উদ্ধাৰ কৰা হয়।
লগতে পঢ়ক: গুৱাহাটীৰ শিলসাঁকোত উচ্ছেদৰ বিৰুদ্ধে মহিলাৰ উলংগ প্ৰতিবাদ
বিনয়ৰ পৰিয়ালৰ সদস্যই মুঠ ৬জন লোকৰ বিৰুদ্ধে অভিযোগ দাখিল কৰিছে। ইয়াৰে তিনিজনক ইতিমধ্যে গ্ৰেপ্তাৰ কৰা হৈছে।
আৰক্ষীয়ে জনোৱা মতে, গুলী চলোৱা পিষ্টলটো কিশোৰৰ। কিন্তু প্ৰকৃততে কি ঘটিছিল, সেই বিষয়ে সঠিকভাৱে জানিবলৈ অধিক তদন্তৰ প্ৰয়োজন। ঘটনাস্থলীত উপস্থিত হৈছে ফৰেনছিক দল। চিচিটিভিৰ ফুটেজ পৰীক্ষা কৰি চোৱা হ’ব।
বাতৰি অনুসৰি, মন্ত্ৰীগৰাকীৰ পুত্ৰ বিকাশ কিশোৰে নিজেই আৰক্ষীক ফোন কৰি বন্ধুৰ মৃত্যুৰ খবৰ দিয়ে। মন্ত্ৰীগৰাকীৰ পৰিয়ালৰ দাবী, মন্ত্ৰীগৰাকীৰ পুত্ৰৰ সৈতে সেই ঘৰতে থাকে বিকাশে। কালি নিশা বিকাশ নাছিল। অসুস্থ মাকক চাবলৈ তেওঁ দিল্লীলৈ গৈছিল।
লগতে পঢ়ক: পোহনীয়া ভাটৌ চৰাই হত্যাৰ অপৰাধত দুগৰাকী মহিলাক দিয়া হ’ল ২৫ মাহৰ কাৰাদণ্ড
বিকাশৰ বাহিৰেও তেওঁৰ অনুপস্থিতিত আন ছয়জন লোক তেওঁৰ ঘৰত আছিল। বিকাশৰ পৰিয়ালে সেই ছয়জন লোকৰ বিৰুদ্ধে হত্যাৰ অভিযোগ উত্থাপন কৰিছে।
