পে’ট্ৰল, ডিজেলৰ লগতে অত্যাৱশ্যকীয় সামগ্ৰীৰ সমগ্ৰ দেশৰ লগতে অসমতো হোৱা মূল্যবৃদ্ধিৰ প্ৰতিবাদত ধাৰাৱাহিক আন্দোলনৰ কাৰ্য্যসূচী ঘোষণা কৰিছে প্ৰদেশ কংগ্ৰেছে ( APCC )।
‘২৯ মে’ত গুৱাহাটীত কংগ্ৰেছে উলিয়াব এক চাইকেল ৰেলি’ জনালে সভাপতি ৰিপুন বৰাই। তেওঁ জনাই যে ৰেলিটোত দলৰ সকলো বিধায়ক, সাংসদ, বিষয়-ববীয়া উপস্থিত থাকিব।
ইয়াৰোপৰি ৯ জুনত ৰাজ্যৰ ২৭২টা ব্লক কংগ্ৰেছ সমিতিয়ে মূল্যবৃদ্ধিৰ প্ৰতিবাদত উলিয়াব চাইকেল সমদল।
মোদী চৰকাৰৰ চাৰিবছৰীয়া বৰ্ষপূৰ্তিৰ দিনটো ‘বিশ্বাসঘাতকতা দিৱস’ হিচাপে পালন কৰা কংগ্ৰেছৰ ৰাষ্ট্ৰীয় মুখপাত্ৰ শক্তি সিং গোহিলে গুৱাহাটীত আজি ২৬ মে’ত আয়োজন কৰা সংবাদ মেলত এই ঘোষণা কৰে বৰাই।
আনহাতে ৬ জুনত ৰাজ্যৰ সকলো জিলাৰ উপায়ুক্তৰ কাৰ্য্যালয়ত ধৰ্ণা দি ৰাজ্যপাল আৰু ভাৰতৰ উপ-ৰাষ্ট্ৰপতিলৈ মূল্য বৃদ্ধি ৰোধ কৰাৰ দাবীত স্মাৰক পত্ৰ প্ৰেৰণ কৰিব কংগ্ৰেছে।
প্ৰণিধানযোগ্য যে কংগ্ৰেছ চৰকাৰৰ দিনৰ মূল্যবৃদ্ধিক নিৰ্বাচনী বিষয় হিচাপে লৈয়ে ‘অচ্ছে দিন’ৰ প্ৰতিশ্ৰুতিৰে শাসনলৈ আহিছিল মোদী।
এতিয়া বিজেপিৰ পথৰে পথিক হৈ কংগ্ৰেছেও এসপ্তাহত তিনিটাকৈ প্ৰতিবাদ হাতত লৈছে।
