টছত পৰাজিত হৈ প্ৰথম বেটিং কৰিব লগা হোৱা নাগালেণ্ডে ৩৮ অ’ভাৰত ৪ টা ৱিকেট হেৰুৱাই ২৭৯ ৰান সংগ্ৰহ কৰে। উল্লেখযোগ্য যে বেয়া বতৰৰ বাবে খেলখন ৩৮ অ’ভাৰলৈ সীমিত কৰা হৈছিল।
নাগালেণ্ডৰ অ’পেনাৰদ্বয় চেদেজালি ৰুপ্ৰিঅ’ (১২৪ অপৰাজিত) আৰু পুচ্চু দেবে (৬৫ অপৰাজিত) সুন্দৰ প্ৰদৰ্শন আগবঢ়াই প্ৰথম যুটিত ১১২ ৰান সংগ্ৰহ কৰিবলৈ সক্ষম হয়। দলটোৰ হৈ হেমন্তে ৩০ ৰান কৰাৰ বিপৰীতে ৰবিয়ে ২৬ ৰানৰ অৰিহণা আগবঢ়ায়।
ছিকিমৰ হৈ ৰৌনক, চাপটুলা, আফজৰ আৰু সন্দীপে এটাকৈ ৱিকেট দখল কৰে।
প্ৰত্যুত্তৰত বেটিং কৰিবলৈ লৈ ছিকিমে মাত্ৰ ৭৮ ৰানতে আটাইকেইটা ৱিকেট হেৰুৱাই। কেৱল য়’গেশ (১২), আকাশ আৰু প্ৰশান্ত (১১ ৰানকৈ)ই দলটোৰ হৈ দুটা অংকৰ ৰানসংখ্যা স্পৰ্শ কৰিবলৈ সক্ষম হয়।
নাগালেণ্ডৰ হৈ নাগাহ’ই ৪ টা ৱিকেট লোৱাৰ বিপৰীতে নাদিমে ২ টা ৱিকেট সংগ্ৰহ কৰে।
চেদেজালি, পুচ্চু আৰু তাহমিদে অনূৰ্ধ্ব ১৪, অনূৰ্ধ্ব ১৬, অনূৰ্ধ্ব ১৯ আৰু এতিয়া অনূৰ্ধ্ব ২৩ত ধাৰাৱাহিকভাৱে নাগালেণ্ডক প্ৰতিনিধিত্ব কৰি আহিছে।
পাটনাৰ উৰ্জা ষ্টেদিয়ামত হ’ব লগা পৰৱৰ্তী খেলখনত নাগালেণ্ড মেঘালয়ৰ মুখামুখি হ’ব।
