অসম কলেজ শিক্ষক সংস্থাৰ দৰং-ওদালগুৰি মণ্ডলে ইয়াৰ পঞ্চম বাৰ্ষিক সন্মিলনৰ সময়ত আন কেইবাটাও সিদ্ধান্তৰ লগতে কলেজ শিক্ষকৰ অৱসৰৰ বয়স ৬৫ লৈ বৃদ্ধি কৰাৰ দাবী চৰকাৰৰ ওচৰত উত্থাপন কৰিবলৈ সিদ্ধান্ত লৈছে। ইয়াৰ লগতে তেওঁলোকে চৰকাৰৰ ওচৰত কলেজ শিক্ষক সকলৰ প্ৰাপ্য ওঠৰ মাহৰ বকেয়া ধন ২০০৬ চনৰ জানুৱাৰিৰ পৰা ২০১৭ জুন পৰ্য্যন্ত মুকলি কৰি দিয়া, ৫০০০ হাজাৰৰ পৰা ৮০০০ হাজাৰ টকা পাই থকা সহকাৰী অধ্যাপকসকলৰ পদসমূহ নিয়মীয়া কৰাৰ দাবী তুলিবলৈ সিদ্ধান্ত কৰে। এই সিদ্ধান্ত লোৱা হয় সন্মিলনৰ মাজতে অনুষ্ঠিত কাৰ্য্য নিৰ্বাহক সভাত।
আনহাতে কালি দিনটীয়াকৈ পতা বাৰ্ষিক সন্মিলনখনৰ কাৰ্য্যসূচীত উপস্থিত আছিল জনস্বাস্থ্য কাৰিকৰী বিভাগৰ মন্ত্ৰী ৰিহন দৈমাৰী। তেওঁ সভাৰ মুকলি সভাত কলেজ শিক্ষকসকলৰ অভাৱ-অভিযোগবোৰ য়ু জি চি আৰু ৰাজ্য চৰকাৰৰ নৰ্মছ অনুসৰি সমাধানৰ চেষ্টা কৰা হ’ব বুলি প্ৰতিশ্ৰুতি দিয়ে। সন্মিলনৰ মাজতে ওদালগুৰি মহাবিদ্যালয়ৰ অধ্যক্ষ ড০ লিউক দৈমাৰী আৰু মন্ত্ৰী ৰিহন দৈমাৰীয়ে অনুষ্ঠানটোৰ বাৰ্ষিক পত্ৰিকা জ্ঞানম উন্মোচন কৰে। মুকলি সভাখনত সভাপতিত্ব কৰিছিল অনুষ্ঠানটোৰ সভাপতি ড০ প্ৰণৱ কুমাৰ শৰ্মাই।
সন্মিলনখনত বিশিষ্টা লেখিকা তথা বড়ো সাহিত্যত ২০১৭ চনৰ সাহিত্য অকাডেমি বঁটা পোৱা ড০ ৰীতা বড়োক সম্বৰ্ধনা জনোৱা হয়। লগতে মণ্ডলটোৰ শ্ৰেষ্ঠ স্নাতকসকলকো
আনহাতে সন্মিলনতে অসম কলেজ শিক্ষক সংস্থাৰ এখন নতুন মাণ্ডলিক কমিটিও ২০১৮ চনৰ বাবে গঠন কৰা হয়। এই কমিটিৰ সভাপতি হয় খাৰুপেটীয়া কলেজৰ দীপক কলিতা, টংলা কলেজৰ ঘাটেশ্বৰ বৰুৱা উপ-সভাপতি আৰু ছিপাঝাৰ কলেজৰ ড০ দুলেন্দ্ৰ নাথ সাধাৰণ সম্পাদক নিৰ্বাচিত হয়।
