জাৰ্মানীত অনুষ্ঠিত আন্তঃৰাষ্ট্ৰীয় শ্বুটিং প্ৰতিযোগিতাত ব্ৰঞ্জৰ পদক লাভ কৰি দেশ তথা ৰাজ্যলৈ গৈৰৱ কঢ়িয়াই আনিছে চৰাইডেউ জিলাৰ প্ৰতিভাৱান খৈলুৱৈ জ্যোতিষ প্ৰতিম কোঁৱৰে।
যোৱা ১০ মে’ত জাৰ্মানীৰ হেন’বাৰত অনুষ্ঠিত প্ৰতিযোগিতাখনত তেওঁ এই পদক লাভ কৰিবলৈ সক্ষম হৈছিল।
জানিব পৰা মতে জ্যোতিষ প্ৰতিম কোঁৱৰে প্ৰতিযোগিতাখনৰ ৰাইফল প্ৰ’নৰ পুৰুষৰ শাখাত সৰ্বমুঠ ১৮৪০.৩ লাভ কৰিছিল।
উল্লেখযোগ্য যে তেওঁ গগন নাৰাং আৰু ব্ৰহ্মপুৰী গোস্বামীৰ সৈতে যুটীয়াভাৱে প্ৰতিযোগিতাখনত ভাৰতৰ হৈ প্ৰতিদ্বন্দ্বিতা আগবঢ়াইছিল।
চৰাইদেউ জিলাৰ মাইবেলাৰ ১০১ নং গ্ৰাণ্ট নিৱাসী দীননাথ কোঁৱৰ আৰু জুনুদেৱী কোঁৱৰৰ পুত্ৰ জ্যোতিষৰ এই সাফল্যত তেওঁৰ পৰিয়ালৰ লগতে সমগ্ৰ অঞ্চলবাসী ৰাইজ উৎফুল্লিত হৈ পৰিছে।
আনহাতে উক্ত প্ৰতিযোগিতাখনত কাজাখস্তানে প্ৰথম আৰু মাৰ্কিন যুক্তৰাষ্টই দ্বিতীয় স্থান দখল কৰে।
