অহা ১৯ এপ্ৰিলৰ পৰা গেংটকৰ পেলজ’ৰ ষ্টেডিয়ামত দিত্বীয় মহেন্দ্ৰ কাৰ্কি সোঁৱৰণি আমন্ত্ৰণমূলক ফুটবল প্ৰতিযোগিতা, ২০১৮ আৰম্ভ হ’ব।
ছিকিম ব’ইজ ফুটবল ক্লাবৰ দ্বাৰা অনুষ্ঠিত হ’ব লগীয়া উক্ত প্ৰতিযোগিতাখনত ছিকিমৰ লগতে আন ৰাজ্যৰ ১২টা দলে অংশগ্ৰহণ কৰিব।
ছিকিমৰ গৃহ-নিৰ্মাণ বিভাগৰ মন্ত্ৰী ডি টি লেপচায়ে উদ্বোধন কৰিব লগীয়া প্ৰতিযোগিতাখনৰ উদ্বোধণী খেলখন ছিকিম পুলিচ আৰু ৰেনজং এফ চিৰ মাজত অনুষ্ঠিত হ’ব।
উল্লেখযোগ্য যে ২০১১ চনত গেংটকত সংঘটিত এক পথ দুৰ্ঘটনাত মাত্ৰ ৩১ বছৰ বয়সতে প্ৰাণ হেৰুৱাব লগীয়া হোৱা ৰাজ্যিক ফুটবল দলৰ প্ৰতিভাৱান খেলুৱৈ মহেন্দ্ৰ কাৰ্কিৰ স্মৃতিত ছিকিম ব’ইজ এফ চিয়ে এই প্ৰতিযোগিতা আয়োজন কৰি আহিছে।
৩০ মে’ত পেলজ’ৰ ষ্টেডিয়ামত প্ৰতিযোগিতাখনৰ ফাইনেল খেল অনুষ্ঠিত হ’ব।
