ৰাষ্ট্ৰীয় নিৰাপত্তা আইনৰ গোচৰৰ পৰা মুক্তি লাভ কৰা অখিল গগৈক যেন ৰাজ্য চৰকাৰ তথা প্ৰশাসনে মুকলি আকাশৰ তলত অহাটো বিচৰা নাই। বুধবাৰে নেতা গৰাকীক আন এক গোচৰত গ্ৰেপ্তাৰ কৰাৰ বাবে দুধনৈ আৰক্ষীয়ে ডিব্ৰুগড়ৰ অতিৰিক্ত মুখ্য ন্যায়িক দণ্ডাধীশৰ আদালতত আবেদন কৰা কাৰ্যই তাকে প্ৰমাণ কৰিছে। অৱশ্যে ডিব্ৰুগড় ন্যায়িক দণ্ডাধীশে অখিল গগৈক গ্ৰেপ্তাৰৰ বাবে দুধনৈ আৰক্ষীয়ে জনোৱা উক্ত আবেদনক নাকচ কৰে। প্ৰাপ্ত তথ্য মতে গোৱালপাৰা জিলাৰ দুধনৈ আৰক্ষী চকীৰ পৰিদৰ্শক চপন কুমাৰ ৰয়ে দাখিল কৰা উক্ত আবেদনক ডিব্ৰুগড়ৰ অতিৰিক্ত মুখ্য ন্যায়িক দণ্ডাধীশ ইমদাদ আহমেদে নাকচ কৰে। অখিল গগৈৰ অধিবক্তা অনুজ ছেত্ৰীয়ে কয় ‘দুধনৈত কৰা এক প্ৰতিবাদৰ সময়ত অখিল গগৈৰ ওপৰত দুধনৈ আৰক্ষী চকীত এটা গোচৰ ৰুজু কৰা হৈছিল। অৱশ্যে পি ডি পি এ আইনৰ ১৪৩/১৪৭/৪৩৭/১২০(বি) ধাৰৰ অন্তৰ্গত ৰুজু কৰা ১১২/১৭ নম্বৰ উক্ত গোচটোৰ সম্পৰ্কে অখিল গগৈ মুঠেই জ্ঞাত নাছিল।’ লক্ষণীয় যে বিজেপি চৰকাৰৰ বিৰুদ্ধে সততে সৰৱ হৈ থকা কৃষক মুক্তিৰ নেতাজনক ৰাজ্য চৰকাৰ তথা প্ৰশাসনে উপৰ্যুপৰি গোচৰ আৰোপ কৰি আবদ্ধ কৰি ৰাখিব খোজাটোৱে প্ৰশাসন যে নেতাজনৰ প্ৰতি বাৰুকৈয়ে ভীত্তিগ্ৰস্ত তাকে প্ৰমাণ কৰে।
অখিল গগৈক পুনৰ কাৰাবদ্ধ কৰাৰ আবেদন নাকচ ডিব্ৰুগড় মুখ্য ন্যায়িক দণ্ডাধীশৰ
-
By NE NOW NEWS
![](https://assam.nenow.in/wp-content/uploads/2017/12/Akhi-Gogoi-678x381.jpg)
- Categories: অসম
Related Content
ADRE : পৰীক্ষাৰ ভুৱা প্ৰশ্নকাকত ফাদিল কৰি আৰক্ষীৰ আলহী হ’ল ধুবুৰীৰ যুৱক
By
এন ই নাও নিউজ
September 7, 2024 9:07 pm
কিয় চেবিৰ অধ্যক্ষই পদত্যাগ কৰা উচিত?
By
এন ই নাও নিউজ
September 7, 2024 7:14 pm
স্মাৰ্ট মিটাৰৰ বিৰুদ্ধে 'আপ'ৰ বিক্ষোভ : শক্তিমন্ত্ৰীৰ পুত্তলিকা দাহ আপ কৰ্মীৰ
By
এন ই নাও নিউজ
September 7, 2024 6:58 pm
প্ৰদ্যুৎ বৰদলৈয়ে হিমন্ত বিশ্ব শৰ্মাক মনত পেলাই দিলে অতীতৰ কথা
By
এন ই নাও নিউজ
September 7, 2024 6:53 pm
আম আদমী পাৰ্টিৰ উদ্যোগত সুধাকণ্ঠৰ ৯৮ সংখ্যক জন্মজয়ন্তী
By
এন ই নাও নিউজ
September 7, 2024 3:26 pm
পুনৰ উত্তপ্ত মণিপুৰ! উগ্ৰপন্থীৰ ঘাটি ধ্বংস কৰাত ব্যস্ত আৰক্ষী তথা কেন্দ্ৰীয় বাহিনী; দুইপক্ষৰ সংঘৰ্ষত ৫জনৰ মৃত্যু
By
এন ই নাও নিউজ
September 7, 2024 1:21 pm