দুটাকৈ বৃক্ক বিকল হোৱাৰ ফলত শয্যশায়ী হৈ থকা প্ৰতিভাশালী যুৱ ফুটবলাৰ সুমিত ৰাভাৰ সহায়ৰ বাবে আগবাঢ়ি আহিল কেন্দ্ৰীয় ক্ৰীড়া মন্ত্ৰী ৰাজ্যবৰ্ধন সিং ৰাথোড়।
গুৱাহাটী চিটী ফুটবল ক্লাবে টুইটাৰ যোগে ৰোগাক্ৰান্ত ফুটবলাৰগৰাকীৰ সহায়ৰ বাবে চলোৱা প্ৰচেষ্টাৰ পিছত এই সন্দৰ্ভত অৱগত হৈ ক্ৰীড়া মন্ত্ৰীগৰাকীয়ে সুমিতৰ সহায়ৰ বাবে সম্ভৱপৰ সকলো ব্যৱস্থা গ্ৰহণ কৰিব বুলি অৱগত কৰাৰ লগতে ‘ছাই’ৰ বিষয়াবৰ্গক শীঘ্ৰে ফুটবলাৰগৰাকীৰ অৱস্থাৰ বুজ ল’বলৈ নিৰ্দেশ দিয়া বুলি জনাইছে।
উল্লেখযোগ্য যে বছৰীয়া সুমিতে এবাৰ অসমক প্ৰতিনিধিত্ব কৰাৰ লগতে গুৱাহাটী টাউন ক্লাব, ছানৰাইজ ক্লাব আদিৰ হৈ খেলি আহিছিল।
প্ৰখ্যাত মোহন বাগান-ছেইল ফুটবল একাডেমীৰ অনুৰ্দ্ধ ১৮ৰ দলকো তেওঁ প্ৰতিনিধিত্ব কৰিছিল।
আৰ্থিকভাৱে দুৰ্বল পৰিয়ালৰ বাবে সুমিতৰ ব্যয়বহুল চিকিৎসা অসম্ভৱ হৈ পৰাৰ পিছত গুৱাহাটী চিটী এফ চিয়ে ফুটবলাৰগৰাকীৰ স্বাৰ্থত ছ’চিয়েল মিডিয়াযোগে বিষয়টো সন্দৰ্ভত ফুটবল তথা ক্ৰীড়া জগতক অৱগত কৰোৱাৰ প্ৰয়াস চলাইছিল।
এটা বিবৃতিত ক্লাবৰ সঞ্চালক কৌস্তৱ চক্ৰবৰ্তীয়ে ৰাথোড়ক তেওঁৰ তাৎক্ষণিক সঁহাৰিৰ বাবে ধন্যবাদ জ্ঞাপন কৰিছে।
সুমিতৰ পৰিয়ালৰ সূত্ৰমতে ইতিমধ্যে ৰাথোড়ৰ নিৰ্দেশত ‘ছাই’ৰ পৰিয়ালটোক সাক্ষাৎ কৰি সকলো ব্যৱস্থা গ্ৰহণৰ আশ্বাস দিছে।
