মেঘালয়ৰ উমশ্ব (Umsaw)ত নৰ্থ-ইষ্টাৰ্ন পুলিচ একাডেমিৰ প্ৰশিক্ষাৰ্থীৰ সমাৱৰ্তন অনুষ্ঠান এটাত ভাগ লৈ আজি দেশৰ অভ্যন্তৰীণ চোৰাংচোৱা বিভাগৰ মুৰব্বী ৰাজীৱ জৈনে এখন সভাত উপস্থিত থাকি কয় যে দেশৰ উত্তৰ-পূব অঞ্চলটো বৰ্তমান যথেষ্ট শান্তিপূৰ্ণ অৱস্থাত আছে। তেওঁ সুৰক্ষা তথা সামৰিক বাহিনীৰ লোকসকলক এই শান্তি বৰ্তাই ৰাখিবলৈ আহ্বান জনায়। তেওঁ কয় যে উত্তৰ-পূব অঞ্চলটোত এটা সময়ত বহুত অশান্তি আছিল। কিন্তু সৌভাগ্যক্ৰমে যোৱা কেইটামান বছৰত ইয়ালৈ শান্তি ঘূৰি আহিছে। ‘লাহে লাহে ইয়াৰ মানুহ শান্তিত আগ্ৰহী হৈছে। আৰু এই শান্তি ধৰি ৰখাটো তথা মানুহৰ বিশ্বাস আৰু আস্থা যাতে অটুট থাক সেইটো নিশ্চিত কৰাটো আপোনালোকৰ দায়িত্ব। ইয়াৰ মাজতে বিকাশ লুকাই আছে। চৰকাৰৰ এক্ট ইষ্ট পলিচিৰ পৰিপ্ৰেক্ষিতত পৰিৱৰ্তনৰ দুৱাৰডলিটো আপোনালোকেই আৰু সেয়ে আপোনালোকে ভাল ভূমিকা ল’ব লাগিব।’ এইদৰে কয় বিষয়াজনে। তেওঁ লগতে যুৱ আৰক্ষী বিষয়াসকলক জটিল সময়তো নিজৰ নীতিত থাকিবলৈ, কৰ্তব্যত থকা বা নথকা যিকোনো সময়তে অনুশাসন বৰ্তাই ৰাখিবলৈ, মানুহৰ সৈতে সুসম্পৰ্ক ৰক্ষা কৰিবলৈ পৰামৰ্শ দিয়ে। আৰক্ষীৰ সেৱা সমাজ আৰু জাতিৰ সেৱাৰ বাবে বুলি কৈ জৈনে নতুনকৈ প্ৰশিক্ষণপ্ৰাপ্তসকলক উদ্দেশ্যি কয় যে তেওঁলোকে তেওঁলোকক শিকোৱা সকলো কলাকৌশলৰ সুপ্ৰয়োগ কৰা উচিত আৰু ভুক্তভোগীক সুৰক্ষাৰ বাবে আইনৰ প্ৰয়োগ কৰা উচিত। মুঠ ৩৫ জন প্ৰশিক্ষাৰ্থীয়ে ৪৮ সপ্তাহৰ প্ৰশিক্ষণ সম্পূৰ্ণ কৰে। তাৰ মাজত ১৪ জন আৰক্ষী উপ-অধীক্ষক, য’ত তিনিগৰাকী মহিলাও আছে, ৯জন পৰিদৰ্শক, ৮জন উপপৰিদৰ্শক আৰু ৪ জন জামাদাৰ আছে। এওঁলোকৰ মাজৰ সৰ্বাধিক ২৫জন নাগালেণ্ড, ৬জন মণিপুৰ, ২জন মিজোৰাম আৰু এজনকৈ অৰুণাচল প্ৰদেশ আৰু অন্ধ্ৰপ্ৰদেশৰ।
উত্তৰ-পূৰ্বাঞ্চললৈ এতিয়া শান্তি ঘূৰি আহিছে : চোৰাংচোৱা বিভাগৰ মুৰব্বী ৰাজীৱ জৈন
-
By NE NOW NEWS
![](https://assam.nenow.in/wp-content/uploads/2017/12/RajeevJain.jpg)
- Categories: অসম
Related Content
ADRE : পৰীক্ষাৰ ভুৱা প্ৰশ্নকাকত ফাদিল কৰি আৰক্ষীৰ আলহী হ’ল ধুবুৰীৰ যুৱক
By
ৰিনিং লিংডো
September 7, 2024 9:07 pm
কিয় চেবিৰ অধ্যক্ষই পদত্যাগ কৰা উচিত?
By
ৰিনিং লিংডো
September 7, 2024 7:14 pm
স্মাৰ্ট মিটাৰৰ বিৰুদ্ধে 'আপ'ৰ বিক্ষোভ : শক্তিমন্ত্ৰীৰ পুত্তলিকা দাহ আপ কৰ্মীৰ
By
ৰিনিং লিংডো
September 7, 2024 6:58 pm
প্ৰদ্যুৎ বৰদলৈয়ে হিমন্ত বিশ্ব শৰ্মাক মনত পেলাই দিলে অতীতৰ কথা
By
ৰিনিং লিংডো
September 7, 2024 6:53 pm
আম আদমী পাৰ্টিৰ উদ্যোগত সুধাকণ্ঠৰ ৯৮ সংখ্যক জন্মজয়ন্তী
By
ৰিনিং লিংডো
September 7, 2024 3:26 pm
পুনৰ উত্তপ্ত মণিপুৰ! উগ্ৰপন্থীৰ ঘাটি ধ্বংস কৰাত ব্যস্ত আৰক্ষী তথা কেন্দ্ৰীয় বাহিনী; দুইপক্ষৰ সংঘৰ্ষত ৫জনৰ মৃত্যু
By
ৰিনিং লিংডো
September 7, 2024 1:21 pm