অসম ভ্ৰমণৰ কাৰ্যসূচী লৈ আজি আবেলি উপৰাষ্ট্ৰপতি এম ভেংকায়া নাইডু গুৱাহাটীত আহি উপস্থিত হয়। উপ-ৰাষ্ট্ৰপতি গৰাকীৰ এয়া প্ৰথম অসম ভ্ৰমণ। অমস চৰকাৰৰ ফালৰ পৰা লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰত তেওঁক বিশেষভাৱে আদৰণি জনোৱা হয়। উপৰাষ্ট্ৰপিত গৰাকী আজি নিশাটো ৰাজভৱনত থাকিব। কাইলৈ তেওঁ সৰুসজাই ষ্টেডিয়ামত অন্যভাৱে সক্ষম সকলৰ আন্তঃৰাষ্ট্ৰীয় দিৱসৰ লগত সংগতি ৰাখি দীনদয়াল দিব্যজ্ঞান পুনঃসংস্থাপন আঁচনি উদ্বোধন অনুষ্ঠানত ভাগ ল’ব। ইয়াৰ পিছত উপৰাষ্ট্ৰপতি গৰাকী সাদিন-প্ৰতিদিন গোষ্ঠীৰ দ্বাৰা আয়োজিত ‘এচিভাৰ এৱাৰ্ড’ অনুষ্ঠানত মুখ্য অতিথি হিচাপে অংশ গ্ৰহণ কৰিব। উপৰাষ্ট্ৰপতি গৰাকীৰ প্ৰথম অসম ভ্ৰমণক কেন্দ্ৰ কৰি নিৰাপত্তাৰ ব্যৱস্থা অধিক কটকটীয়া কৰি তোলা হৈছে।
