তিনিচুকীয়াৰ লিডু আৰক্ষীয়ে আজি আবেলি লিডু ৰে’ল ষ্টে’চনৰ পৰা ৪ জনীয়া এটা গাড়ী চোৰৰ দলক আটক কৰিছে।
লিডু থানাৰ ভাৰপ্ৰাপ্ত আৰক্ষী অধীক্ষক অমৰজ্যোতি বাইলুঙৰ নেতৃত্বত যোৱা আৰক্ষী দলে এই কুখ্যাত চোৰৰ দলটোক ধৰিবলৈ সক্ষম হয়।
আৰক্ষী সূত্ৰই জনোৱা মতে চোৰকেইজন হ’ল তিনিচুকীয়া বালুগাদ্দাৰ মুন্না চাহা আৰু ৰঙাপাৰাৰ ৰূপম ৰাজবংশী, ডিব্ৰুগড় দুলীয়াজানৰ প্ৰদীপ বৰুৱা আৰু জাগুন লেখাপানীৰ দিগন্ত গগৈ।
সূত্ৰটোৱে লগতে জনায় যে তিনিচুকীয়াৰ বিভিন্ন ঠাইৰ পৰা গাড়ী চুৰি কৰাৰ বাবে দিগন্ত গগৈ নামৰ চোৰজনে বাকী কেইজন চোৰক কামত লগাইছিল।
চোৰসকলৰ হাতৰ পৰা ২২ জাঁই সক্ৰিয় গুলীৰ সৈতে .২২ পিস্তল এটা, একোচা চাবি আৰু কিছু কাগজ পত্ৰ জব্দ কৰে।
লিডু আৰক্ষীৰ এই সফলতাৰ শলাগ লৈ জিলা আৰক্ষী অধীক্ষক মুগ্ধজ্যোতি মহন্তই কয় ‘এই কুখ্যাত দলটোক আটক কৰাটোৱে জিলাখনৰ লোকসকলক নিশ্চিতভাৱে স্ব্স্তি দিব।’
ভাৰতীয় দণ্ডবিধিৰ ৩৮৭ ধাৰা, অস্ত্ৰ আইনৰ ধাৰা ২৫ (১ এ’), ৩৫ৰ অধীনত চোৰসকলৰ বিৰুদ্ধে ৩৯/১৮ নং এক গোচৰ মাৰ্ঘেৰিটা আৰক্ষী থানাত ৰুজু কৰা হৈছে।
