গৃহ পৰিক্ৰমা মন্ত্ৰায়ালয়ৰ বিশেষ সচিব (অভ্যন্তৰীণ সচিব) মহেশ কুমাৰ সিংলা অলপতে ত্ৰিপুৰাৰ পানিসাগৰত অৱস্থিত ব্ৰু শৰনাৰ্থী শিবিৰত উপস্থিত হৈ বিভিন্ন কাৰ্যসূচীত সফলতাৰে প্ৰশিক্ষণ পাঠ্যক্ৰম সমাপ্ত কৰা ২০ গৰাকী ব্যক্তিক প্ৰমানপত্ৰ প্ৰদান কৰে।
উল্লেখযোগ্য যে কেন্দ্ৰীয় চৰকাৰৰ উদ্যোগত আৰু অসম ৰাইফলছ তথা কেইবাটাও স্বেচ্ছাসেৱী সংগঠনৰ সহযোগত শৰনাৰ্থী সকলৰ মাজত চিলাই, গাড়ী চালনা, নাৰ্ছিং আদি বিভিন্ন বিষয়ত প্ৰশিক্ষন দিয়া হয়।
শৰনাৰ্থী শিবিৰত থকা লোকসকলে যাতে নিজকে স্বাৱলম্বি কৰি তুলিব পাৰে তাৰে উদ্দেশ্যৰে তেওঁলোকক প্ৰশিক্ষন প্ৰদান কৰা হৈছিল।
অনুষ্ঠানটোত পানীসাগৰৰ মহকুমা দণ্ডাদিশ শুভাশিস ভট্টচাৰ্যৰ লগতে বহুকেইজন লোক উপস্থিত আছিল।
মন কৰিবলগীয়া যে মাটিৰ বিবাদক লৈ মিজো সকলৰ সৈতে হোৱা গোষ্ঠিগত সংঘাতৰ ফলত ১৯৯৭ চনৰ পৰা প্ৰায় ৩৫,০০০ ব্ৰু লোকে উত্তৰ ত্ৰিপুৰা জিলাৰ শৰনাৰ্থী শিবিৰত আশ্ৰয় লৈ আহিছে।
বিগত বৰ্ষৰ ডিচেম্বৰত মিজোৰাম চৰকাৰে ব্ৰু সকলক শীঘ্ৰে নিজ ৰাজ্যলৈ ঘুৰাই পক্ৰিয়া আৰম্ভ কৰা হ’ব বুলি কৈছিল যদিও আজি পৰ্যন্ত এই ক্ষেত্ৰত কোনো পদক্ষেপ গ্ৰহণ কৰা পৰিলক্ষিত হোৱা নাই।
