কৰ্কট ৰোগত আক্ৰান্ত হৈ ২৯ বছৰ বয়সতে মৃত্যু মিছ ইণ্ডিয়া খিতাপ বিজয়ী জনপ্ৰিয় মডেলৰ

ফেমিনা মিছ ইণ্ডিয়া ত্ৰিপুৰা ২০১৭ৰ বিজয়ী ৰিংকি চাকমাৰ মৃত্যু ঘটিছে। পেজেণ্টৰ অফিচিয়েল পেজে তেওঁলোকৰ অফিচিয়েল ইনষ্টাগ্ৰাম হেণ্ডেলত এই খবৰ শ্বেয়াৰ কৰিছে। ৰিংকিৰ এখন ছবি শ্বেয়াৰ কৰি তেওঁলোকে লিখিছে, ‘গভীৰ দুখৰ সৈতে আমি ৰিংকি চাকমা, ফেমিনা মিছ ইণ্ডিয়া ত্ৰিপুৰা ২০১৭ৰ মৃত্যুৰ খবৰ জনাইছো। এগৰাকী আচৰিত নাৰী। ৰিংকি সঁচাকৈয়ে আছিল এক শক্তি, যাৰ কামৰ প্ৰতি আকৰ্ষণ প্ৰবল আছিল। তেওঁ ত্ৰিপুৰাক প্ৰতিনিধিত্ব কৰিছিল। ফেমিনা মিছ ইণ্ডিয়া ২০১৭ প্ৰতিযোগিতাত তেওঁক মিছ বিউটি খিতাপেৰে সন্মানিত কৰা হয়। এইটো তেওঁৰ আগবাঢ়ি যোৱাৰ প্ৰচেষ্টা আৰু সহানুভুতিশীল মনৰ প্ৰমাণ।”

তাত লগতে লিখিছে, ‘এই কঠিন সময়ত তেওঁৰ পৰিয়াল আৰু বন্ধু-বান্ধৱীলৈ আমাৰ গভীৰ সমবেদনা জনাইছো। তেওঁৰ আত্মাই চিৰশান্তি লাভ কৰক। ৰিংকিৰ সৌন্দৰ্য্য চিৰদিনৰ বাবে মনত থাকিব। যিসকলে আপোনাক চিনি পোৱাৰ সৌভাগ্য লাভ কৰিছিল তেওঁলোকে আপোনাক গভীৰভাৱে মিছ কৰিব।’

লগতে পঢ়কঃ টাটাৰ যুগান্তকাৰী উদ্ভাৱন, ‘১০০ টকীয়া টেবলেট’য়ে নিৰাময় কৰিব কেন্সাৰ! কেতিয়া আহিব বজাৰত?

২০২২ চনৰ পৰা কেন্সাৰৰ সৈতে যুঁজি আছিল ৰিংকি। তেওঁৰ মেলিগন্যেন্ট ফাইল’ডছ টিউমাৰ (স্তন কেন্সাৰ) ধৰা পৰিছিল। প্ৰথম অস্ত্ৰোপচাৰৰ পিছত কেন্সাৰটো হাওঁফাওঁলৈ মেটাষ্টেজ হৈ মূৰলৈ বিয়পি পৰে। ইয়াৰ ফলত মগজুৰ টিউমাৰ হয়। দুৰ্ভাগ্যজনকভাৱে তেওঁৰ স্বাস্থ্যৰ অৱনতি ঘটি থাকে। তেওঁ আৰু কেমো ল’ব পৰা নাছিল। ২০২৪ চনৰ ২২ ফেব্ৰুৱাৰীত তেওঁক জৰুৰীকালীন অৱস্থাত ছাকেটৰ মেক্স হাস্পতালত ভৰ্তি কৰা হয়। আই চি ইউত ভেন্টিলেটৰত আছিল।তেওঁৰ এটা হাওঁফাওঁ প্ৰায় কাম কৰা নাছিল।

ইনষ্টাগ্ৰামত বান্ধৱী প্ৰিয়ংকাই ৰিংকিৰ ৰিপোৰ্টৰ সৈতে ছবিখন শ্বেয়াৰ কৰে। তেওঁ লিখিছে, ‘আমি আমাৰ বন্ধু ৰিংকি চাকমাৰ বাবে ধন সংগ্ৰহ কৰিছো। তেওঁৰ পৰিয়ালে নিজৰ সকলো মূলধন শেষ কৰি পেলাইছে। কাৰণ, যোৱা দুবছৰ ধৰি তেওঁ কেন্সাৰৰ সৈতে যুঁজি আছে। ইয়াৰ পূৰ্বে তেওঁৰ স্তন কেন্সাৰ ধৰা পৰিছিল। যাৰ বাবে তেওঁৰ অপাৰেচন হৈছিল। কিন্তু, পিছত তেওঁৰ হাওঁফাওঁ আৰু মগজুলৈ বিয়পি পৰিল।’

লগতে পঢ়কঃ ৰাজ্যৰ ১৬টা দলৰ বিৰোধী মঞ্চত পুনৰ CAA বিৰোধী প্ৰতিবাদৰ অংগীকাৰ

ৰিংকিৰ বান্ধৱীয়ে লিখিছে, ‘দিল্লীৰ এইমছত কেমো লৈ আছিল। দুৰ্ভাগ্যজনকভাৱে তেওঁৰ স্বাস্থ্যৰ অৱনতি ঘটিল। তেওঁ আৰু কেমো লব নোৱাৰিলে। গতিকে তেওঁক মুকলি কৰি দিয়া হ’ল। ইয়াৰ পিছত বৰ্তমান তেওঁ আন ঠাইত আই চি ইউত ভেণ্টিলেটৰত আছে। কাৰণ, তেওঁৰ এটা হাওঁফাওঁ এতিয়া প্ৰায় কাম কৰা নাই। চিকিৎসাৰ বাবে ধন সংগ্ৰহ কৰা হৈছিল।’