দেওবাৰে সন্ধিয়া নগাঁও আৰক্ষীয়ে খুটিকটিয়া বিষ্ণু নগৰৰ এটা ভাড়া ঘৰত অভিযান চলাই এটা নাৰী দেহ ব্যৱসায়ৰ চক্ৰ উৎখাত কৰিবলৈ সক্ষম হয়।
প্ৰাপ্ত তথ্য মতে নগাঁও আৰক্ষীয়ে এক গোপন সূত্ৰ ভিত্তিত ভাড়া ঘৰটোত হঠাতে অভিযান চলাই নাৰী দেহ ব্যৱসায় চক্ৰটো উৎখাত কৰাৰ লগতে নাৰী দেহ ব্যৱসায় কাৰ্যৰ লগত জড়িত এজন ব্যৱসায়ীক আটক কৰাৰ লগতে আৰু মহিলাকে ধৰি চাৰি গৰাকীক আটক কৰে। আটকাধীন ব্যৱসায়ীজন মৰিগাঁৱৰ নাৰায়ণ দাস বুলি আৰক্ষীয়ে চিনাক্ত কৰিছে।
উল্লেখযোগ্য যে মঞ্জু শইকীয়া নামৰ এগৰাকী মহিলাই বৰসা নামৰ এগৰাকী মহিলাৰ সৈতে মিলি ভাড়া ঘৰটো লৈ এই নাৰী দেহ ব্যৱসায় কাৰ্য চলাইছিল।
জানিব পৰা মতে মঞ্জু আৰু বৰসাই নামৰ দুয়োগৰাকী মহিলাই আজি যোৱা কেইমাহমানৰ পৰা দৰিদ্ৰ শ্ৰেণীৰ পৰিয়ালৰ যুৱতী সকলক বিভিন্ন ধৰণৰ প্ৰলোভন দি নাৰী দেহ ব্যৱসায়ত জড়িত কৰাই আহিছিল। আৰু অঞ্চলটোৰ পৰিৱেশ বিনষ্ট কৰি আহিছিল।
অৱশ্যে দেওবাৰে বিশেষ সূত্ৰৰ আধাৰত আৰক্ষীয়ে অসামৰিক পোছাকত ভাড়া ঘৰটোত অভিযান চলাই এই নাৰী দেহ ব্যৱসায় চক্ৰটো উৎখাত কৰিবলৈ সক্ষম হয়।
আনহাতে আৰক্ষীৰ এই কাৰ্যক স্থানীয় লোকে প্ৰংশসা কৰাৰ লগতে শলাক লয়।
