ডিমৌৰ স্বেচ্ছাসেৱী সংগঠন ৰামধেনু ডেভেলপমেন্ট ছ’চাইটিৰ উদ্যোগত ডিমৌত এটা বেডমিণ্টন প্ৰশিক্ষণ কৰ্মশালা অনুষ্ঠিত কৰা হৈছে। এই প্ৰশিক্ষণ কৰ্মশালাটো ইয়াৰে ডিমৌ মহাবিদ্যালয়ৰ ইণ্ড’ৰ ষ্টেডিয়ামত হ’ব আৰু ই ২১ দিনীয়া হ’ব। ১০০০ টকাকৈ মাচুল নিৰিখ কৰা এই কৰ্মশালাত ৬০জনতকৈও অধিক শিশু-কিশোৰে যোগদান কৰা বুলি আয়োজকে জানিবলৈ দিছে। কালি কৰ্মশালাটোৰ শুভাৰম্ভ কৰে, ১০৭ নং থাওৰা বিধান সভা সমষ্টিৰ মাননীয় বিধায়ক শ্ৰী কুশল দুৱৰীদেৱে আৰু খণ্ড উন্নয়ন বিষয়া বিহংগী ভাগৱতী দাস বাইদেৱে৷ অনুষ্ঠানটোত উপস্থিত থাকে ডিমৌ মহাবিদ্যালয়ৰ অধ্যাপক প্ৰৱিত্ৰ গগৈ ডাঙৰীয়া, অৱসৰপ্ৰাপ্ত শিক্ষক সমাজকৰ্মী অনিল দে’ ডাঙৰীয়া, ভাৰতীয় জনতা পাৰ্টীৰ ডিমৌ মণ্ডলৰ সম্পাদক নবীন গগৈ দেৱ, অগপৰ জিলা সম্পাদক কুশল দত্তদেৱ, বিশিষ্ট ক্ৰীড়াবিদ মঞ্জুৰ, ডিমৌৰ সাংবাদিকসকল আৰু লগতে খেলখন সুচাৰু ৰুপে পৰিচালনা কৰিবলৈ আমন্ত্ৰণ কৰি অনা বেডমিণ্টন প্ৰশিক্ষক ধ্ৰুৱ দত্তদেৱ আৰু স্থানীয় ৰাইজ।
