আজি এটা ব্যতিক্ৰমী ঘটনাত খোদ আৰক্ষী বিভাগৰে এজন এ এছ আই পৰ্য্যয়ৰ বিষয়াই গ্ৰেপ্তাৰ হৈ ৰঙা ঘৰৰ আলহী হ’ব লগীয়া হৈছে দৰঙত। দৰং আৰক্ষীৰ এটা সূত্ৰই জনোৱা মতে ওদালগুৰি জিলাৰ কলাইগাওঁ আৰক্ষী থানাৰ ভকতপাৰা আৰক্ষী চকীত কৰ্মৰত এ এছ আই মুকুট আলীয়ে আজি পুৱাৰ ভাগত দৰং জিলাৰ ছিপাঝাৰ আৰক্ষী থানাত উপস্থিত হয়। থানাখনত সেই সময়ত জ্যেষ্ঠ বিষয়াৰ অনুপস্থিতিৰ সুযোগ লৈ থানাত থকা কনিষ্টবলৰ ওপৰত নিজৰ পদবীৰ প্ৰভাৱ খটুৱাই লক-আপত প্ৰৱেশ কৰে আৰু লক আপত সোমাই থকা এজন অভিযুক্ত জুলহাছ আলীক বেয়াকৈ মাৰধৰ কৰে। মাৰধৰ কৰাত জুলহাছ আলীয়ে চিঞৰ-বাখৰ কৰিবলৈ ধৰে আৰু তেতিয়া তৎক্ষণাত জ্যেষ্ঠ বিষয়া আহি এ এছ আই আলীক ধৰা পেলায় আৰু ভাৰতীয় দণ্ডবিধিৰ 448 / 353/ 506 ধাৰাৰ অধীনত 1060 / 2017 নম্বৰৰ এটা গোচৰ ৰুজু কৰি তেওঁক গ্ৰেপ্তাৰ কৰে। তেওঁক পিছত মঙলদৈ আদালতৰ জৰিয়তে ন্যায়িক জিম্মালৈ প্ৰেৰণ কৰা হৈছে বুলি সূত্ৰটোৱে জনায়। অভিযোগ মতে গ্ৰেপ্তাৰ হোৱা এ এছ আই আলীৰ হৈতে জুলহাছ আলীৰ পূৰ্বৰ পৰা কিবা সংঘাত আছিল। জুলহাছ আলীক ছিপাঝাৰ আৰক্ষীয়ে গ্ৰেপ্তাৰ কৰা বুলি খবৰ পাই আৰু লক আপত থকা বুলি জানিব পাৰি নিজৰ পদবীৰ অপব্যহাৰ কৰি হ’লেও এ এছ আই আলীয়ে প্ৰহাৰ কৰাৰ সুবিধা লৈছিল।
বেলেগ থানাৰ লক-আপত থকা অভিযুক্তক কোবাই ৰঙাঘৰৰ আলহী হ’ল খোদ এ এছ আই
-
By NE NOW NEWS
![](https://assam.nenow.in/wp-content/uploads/2017/12/Police-ASI-Mukut-Ali.jpg)
ৰঙাঘৰৰ আলহী হোৱা এ এছ আই মুকুট আলী।
- Categories: অসম
Related Content
২০ জুনৰ পৰা অসম ভ্ৰমণ কৰিব আম আদমি পাৰ্টীৰ জ্যেষ্ঠ নেতা তথা দিল্লীৰ মন্ত্ৰী গোপাল ৰায়ে
By
ময়ুখ গোস্বামী
June 17, 2024 12:43 pm
বেংকৰ চাকৰি দিয়াৰ প্ৰলোভনেৰে দলবদ্ধ ধৰ্ষণ যুৱতীক; মূল অভিযুক্ত যুৱতীৰ ইনষ্টাগ্ৰামৰ বন্ধু
By
ময়ুখ গোস্বামী
June 17, 2024 11:53 am
শিয়ালদহ অভিমুখী কাঞ্চনজংঘা এক্সপ্ৰেছত মালগাড়ীৰ খুন্দা; মৃত ৫জন, আহত বহু যাত্ৰী
By
ময়ুখ গোস্বামী
June 17, 2024 10:34 am
দুৰ্বল আয়াৰলেণ্ডৰ বিৰুদ্ধেও কষ্টকৰ জয়! টী-২০ বিশ্বকাপৰ অভিযান সামৰিলে পাকিস্তানে
By
ময়ুখ গোস্বামী
June 17, 2024 9:49 am
NEET ত কিছু অনিয়ম সংঘটিত হৈছিল, ইয়াত জড়িত কাকো ৰেহাই দিয়া নহ’ব- শিক্ষামন্ত্ৰী ধৰ্মেন্দ্ৰ প্ৰধান
By
ময়ুখ গোস্বামী
June 17, 2024 8:47 am
বোকাখাতৰ ৰঙাগড়া চাহ বাগিচাত চাঞ্চল্যকৰ হত্যাকাণ্ড! ডিঙি কাটি হত্যা বিবাহিত মহিলাক
By
ময়ুখ গোস্বামী
June 17, 2024 7:41 am