কালি অৰ্থাৎ ২৮ মাৰ্চ তাৰিখে গহপুৰ উচ্চতৰ মাধ্যমিক বিদ্যালয়ৰ প্ৰেক্ষাগৃহত গহপুৰ মহকুমাৰ বিভিণ্ণ অঞ্চলৰ জাতি-জনগোষ্ঠীৰ যুৱকক সামৰি সংগ্ৰামী যুৱ-ছাত্ৰ পৰিষদ,অসমৰ বিশ্বনাথ জিলা সমিতিৰ অন্তৰ্গত সংগঠনটোৰ গহপুৰ আঞ্চলিক সমিতিখন গঠন কৰা হয়।
এই সন্দৰ্ভত কালি অনুষ্ঠিত সভাত উপস্থিত থাকি সংগ্ৰামী যুৱ-ছাত্ৰ পৰিষদ, অসমৰ কেন্দ্ৰীয় সহকাৰী সাধাৰণ সম্পাদক দিৱ্যজ্যোতি বৰুৱাই পৰিষদৰ বিষয়ে বক্তৱ্য আগবঢ়োৱাৰ লগতে বিশ্বনাথ সমিতিৰ সাধাৰন সম্পাদক পল্লৱ কাকতিয়ে পৰিষদৰ লক্ষ্য-উদেশ্য আৰু অনাগত দিনত অসমৰ যুৱ সমাজে কেনেদৰে জাতীয় সংগ্ৰামখনক আগবঢ়াই নিব লাগিব তাৰ ওপৰত বক্তৱ্য আগবঢ়ায়।
বিশ্বনাথ জিলা সমিতিৰ বহু কেইগৰাকী বিষয়বৱীয়া উপস্থিত থকা এই সভাত সৰ্বসন্মতি ক্ৰমে আদিত্য শইকীয়াক সভাপতি আৰু পংকজ ভূঞাক সাধাৰণ সম্পাদক হিচাবে লৈ এখন ৩১ জনীয়া শক্তিশালী সমিতি গঠন কৰা হয়৷
কালিৰ উক্ত সভাতে অহা ১১ এপ্ৰিলত গুণোৎসৱ ২০১৭ত A+ আৰু A গ্ৰেড লাভ কৰা গহপুৰ মহকুমাৰ বিদ্যালয়সমুহক অভিনন্দন জনোৱাৰ উদ্দেশ্যে এখন অভিনন্দন অনুষ্ঠান অনুষ্ঠিত কৰাৰ সিন্ধান্ত লোৱা হয়।
