ভাৰতত থকা স্বামীক লগ কৰিবলৈ অবৈধভাৱে সীমা পাৰ হৈ অহা এগৰাকী বাংলাদেশী মহিলাক স্বামীৰ পৰিয়ালে হত্যা কৰাৰ খবৰ পোৱা গৈছে। ঘটনাৰ সূত্ৰমতে এগৰাকী বাংলাদেশী মহিলাৰ ত্ৰিপুৰাৰ এজন যুৱকৰ সৈতে ছ’চিয়েল মিডিয়াৰ যোগে চিনাকি হোৱাৰ পিছত ক্ৰমে গঢ় লৈ উঠা প্ৰেমৰ সম্পৰ্কক দুয়ো টেলিফোনতে বৈবাহিক ৰূপ দিয়ে। তেওঁলোকৰ সম্পৰ্ক প্ৰায় পাঁচ বছৰ পুৰণি আছিল যদিও ইজনে সিজনক কেতিয়াও লগ পোৱা নাছিল বা স্বচক্ষে দেখা নাছিল। কিন্তু অলপতে ডুবাইত কৰ্মৰত ত্ৰিপুৰাৰ নজমুল হাচান ঘৰত আহি আছে বুলি জানিব পাৰি বাংলাদেশৰ চকবজাৰৰ চুমিয়ে নিজকে ধৰি ৰাখিব নোৱাৰিলে আৰু নজমুলক প্ৰথমবাৰৰ বাবে সোঁশৰীৰে লগ পোৱাৰ হেঁপাহেৰে সীমান্তৰ সিপাৰে মাত্ৰ কেইকিলোমিটাৰমান দূৰত থকা নজমুলৰ ঘৰলৈ বুলি মৰসাহ কৰি ৰাওনা হয়। কোনো বৈধ কাগজপত্ৰ তথা অনুমতি অবিহনেই চুমিয়ে সীমান্ত পাৰ হৈ নজমুলৰ ঘৰত উপস্থিত হয়। কিন্তু স্বামীৰে প্ৰথম সাক্ষাতৰ চুমিৰ এই স্বপ্ন পৰিণত হয় মৃত্যুৰ কৰুণতাত। যোৱা শনিবাৰে আৰক্ষীয়ে ভাৰত-বাংলাদেশ সীমান্তৰ জিৰ’ পইণ্টত এগৰাকী মহিলা সংকটজনকভাৱে আঘাতপ্ৰাপ্ত অৱস্থাত উদ্ধাৰ কৰে, যাক পিছত চুমি আখটাৰ (২৯) বুলি চিনাক্ত কৰা হয়। অভিযোগমতে নজমুলৰ পিতৃ আৰু ভাতৃয়ে চুমিৰ ওপৰত শাৰীৰিক অত্যাচাৰ কৰাৰ পাছত সংকটজনক অৱস্থাত তেওঁক বাংলাদেশৰ সীমান্তৰ সিপাৰে পেলাই দিয়ে, যাতে ভাৰতীয় আইনৰ আওতাত ঘটনাটো বিচাৰ চলাব পৰা নাযায়। আৰক্ষীয়ে চুমিক ততাতৈয়াকৈ চিকিৎসালয়লৈ নিয়ে যদিও তাত তেওঁৰ মৃত্যু হয়। দেওবাৰে আবেলি বিএছএফ আৰু বাংলাদেশ ব’ৰ্ডাৰ গাৰ্ডৰ মাজত এক ফ্লেগ মিটিং হয় আৰু চুমিৰ মৃতদেহ প’ষ্টমৰ্টেৰ পিছত বাংলাদেশৰ হাতত গতাই দিয়া হয়। আৰক্ষীয়ে চুমিৰ অস্বাভাৱিক মৃত্যুৰ এটা গোচৰ ৰজু কৰিছে যদিও এতিয়ালৈকে কাকো গ্ৰেপ্তাৰ কৰা নাই। কাৰণ চুমিৰ শহুৰেকৰ পৰিয়ালৰ লোকসকলে এতিয়া আত্মগোপন কৰি আছে।
স্বামীৰ সৈতে প্ৰথম সাক্ষাতৰ স্বপ্ন পৰিণত হ’ল কৰুণ মৃত্যুত
-
By NE NOW NEWS
![](https://assam.nenow.in/wp-content/uploads/2017/11/Sumi.jpg)
- Categories: ত্ৰিপুৰা
Related Content
উত্তৰ পূব সীমান্ত ৰে’লৱেৰ ৰে’লৱে সুৰক্ষা বাহিনীৰ দ্বাৰা ২২৫ জন অবৈধ প্ৰব্ৰজনকাৰীক কৰায়ত্ত
By
এন ই নাও নিউজ ব্যুৰো, ত্ৰিপুৰা :
August 22, 2024 11:17 am
বাংলাদেশ অস্থিৰ হ’লে ভাৰতৰ উত্তৰ-পূৰ্বাঞ্চল, মিয়ানমাৰতো প্ৰভাৱ পৰিব; সকীয়নি মহম্মদ ইউনুছৰ
By
এন ই নাও নিউজ ব্যুৰো, ত্ৰিপুৰা :
August 8, 2024 11:02 am
প্ৰাণৰ মমতাত দেশ এৰি পলায়ন শ্বেখ হাছিনাৰ; ঢাকা ত্যাগ কৰি ভাৰতৰ ত্ৰিপুৰাত উপস্থিত হাছিনা
By
এন ই নাও নিউজ ব্যুৰো, ত্ৰিপুৰা :
August 5, 2024 7:11 pm
আহি আছে পঞ্চায়ত নিৰ্বাচন : নিৰ্বাচনৰ পূৰ্বে বিজেপি নেতাৰ ঘৰত উদ্ধাৰ ৫০ লাখ টকাৰ ড্ৰাগছ
By
এন ই নাও নিউজ ব্যুৰো, ত্ৰিপুৰা :
July 27, 2024 5:32 pm
স্বামীক হত্যা কৰাৰ অপৰাধত গ্ৰেপ্তাৰ মহিলা আৰু তেওঁৰ প্ৰেমিক
By
এন ই নাও নিউজ ব্যুৰো, ত্ৰিপুৰা :
July 23, 2024 8:38 am
বাংলাদেশৰ হিংসাৰ পাছত ১০০জন ভাৰতীয় আৰু বিদেশী শিক্ষাৰ্থীৰ ত্ৰিপুৰাত সুৰক্ষিতভাৱে প্ৰৱেশ
By
এন ই নাও নিউজ ব্যুৰো, ত্ৰিপুৰা :
July 20, 2024 6:46 pm