সদৌ ভাৰত গ্ৰামীণ ডাক সেৱক সন্থাৰ আহ্বানক্ৰমে নলবাৰী-বৰপেটা সংমণ্ডল সমিতিৰ হাউলী শাখাৰ উদ্যোগত আজি ২২ মে’ৰেপৰা ডাকসেৱকসকলৰ অনিৰ্দিষ্টকালীন ধৰ্মঘট আৰম্ভ হৈছে।
সৰ্বভাৰতীয় গ্ৰামীণ ডাক সেৱক সকলৰ সপ্তম দৰমহা আয়োগৰ প্ৰতিবেদন শীঘ্ৰে কাৰ্যকৰী কৰাৰ দাবীত আজি হাউলী ডাক বিভাগৰ কাৰ্যালয়ৰ সন্মুখত ডাক সেৱক সকলে অনিৰ্দিষ্ট কালৰ ধৰ্মঘট কাৰ্যসূচী আৰম্ভ কৰিছে।
দৰমহা আয়োগৰ প্ৰতিবেদন মৰ্মে ডাক সেৱক সকলক দৰমহা আদায়ৰ বাবে এই প্ৰতিবাদী আন্দোলনৰ কাৰ্যসূচী গ্ৰহন কৰা হৈছে৷ দৰমহা আয়োগৰ প্ৰতিবেদন দাখিলৰ ২ বছৰ ৪ মাহ পাৰ হৈ যোৱাৰ পিছতো চৰকাৰ তথা বিভাগীয় কৰ্তৃপক্ষই দৰমহা আয়োগৰ উক্ত প্ৰতিবেদন কাৰ্যকৰী কৰা নাই৷
চৰকাৰৰ এনে কাৰ্যৰ প্ৰতিবাদত ডাক বিভাগৰ কৰ্মচাৰী সকলে এই ধৰ্মঘট কাৰ্যলূচী পালন কৰে। ধৰ্মঘট কাৰ্যসূচীৰ ফলত সাধাৰণ ৰাইজৰ বিভাগীয় কাম-কাজ স্থবিৰ হৈ পৰা পৰিলক্ষিত হৈছে।
