ৰাষ্ট্ৰীয় শিশু অধিকাৰ সুৰক্ষা আয়োগৰ সদস্য প্ৰিয়াংক কানোনগোওে অৰুণাচল প্ৰদেশৰ চৰকাৰী সংস্থা আৰু ইয়াৰ লগত জড়িত সংশ্লিষ্ট সংস্থা সমূহক শিশুৰ অধিকাৰ সমূহ সুৰক্ষিত কৰি ৰাখিবৰ বাবে অনুৰোধ জনাইছে। চৰকাৰী বিষয়া, এন জি ও আৰু ছাত্ৰ-ছাত্ৰী সকলৰ উপস্থিতিত পূৱ চিয়াং জিলাৰ পাচিঘাটত অনুষ্ঠিত এক আলোচনাত কানোনগোওে শিশুসকলৰ অধিকাৰ আৰু জীৱনৰ সুৰক্ষাৰ প্ৰতি লক্ষ্য ৰাখিবলৈ আহ্বান জনায়। শিশু সকলৰ অধিকাৰৰ বাবে পৰিয়াল আৰু সমাজৰ লোকৰ বহু দায়িত্ব আছে।
আনহাতে সকলো এন জি অ, ছাত্ৰ সংগঠন আৰু সমাজৰ সকলো লোককে ড্ৰাগছ নিৰ্মূল কৰাৰ বাবে উপায়ুক্ত টামিয়’ টাটাকে আগভাগ ল’বলৈ কয়। ভৱিষ্যত প্ৰজন্মক ড্ৰাগছ আসক্তিয়ে ধংস কৰি দিব বুলিও মন্তব্য কৰে।
পুব চিয়াং জিলাৰ আৰক্ষী অধীক্ষক প্ৰশান্ত গৌতমে কয় যে গোটেই বিশ্বজুৰি যুৱক সকলৰ মাজত মদ আৰু ড্ৰাগছ সেৱনৰ আশক্তি বৃদ্ধি পোৱাৰ বাবে বহুতো যুৱক ৰুগীয়া তথা মৃত্যুক আঁকোৱালি ল’ব লগীয়া হৈছে। যুৱক সকলৰ মাজৰ পৰা এই আসক্তি কমোৱাৰ বাবে সজাগতামূলক অভিযানৰ ব্যৱস্থা কৰাৰ দৰকাৰ বুলি অনুষ্ঠানৰ জৰিয়তে কয়। ইয়াৰ উপৰি ড্ৰাগছ আসক্ত যুৱক সকলৰ লগতে তেওঁলোকৰ অভিভাৱক সকলৰ সৈতে পৰামৰ্শমূলক কাৰ্যসূচী গ্ৰহণৰ বাবে নিৰ্দেশ দিয়ে।
