আজি ডিব্ৰুগড় প্ৰেছ ক্লাবত এক সংবাদমেলৰ আয়োজন কৰি অসম গণ পৰিষদৰ পৰা ফাটি যোৱা আঞ্চলিকতাবাদী অগপই (AAGP) অগপ নেতৃত্বৰ দুতলীয়া স্থিতিক কঠোৰ ভাষাৰে সমালোচনা কৰে। সাংবাদিকৰে হোৱা কথা-বতৰাত আঅগপৰ সভাপতি সুনীল ৰাজকোঁৱৰে কয় যে বিজেপিৰ সৈতে মিত্ৰতাৰ পিছত অগপ নেতৃত্বই আঞ্চলিকতাবাদী চৰিত্ৰ হেৰুৱালে। ৰাজকোঁৱৰে লগতে অভিযোগ কৰে যে, ‘অগপ আঞ্চলিকতাবাদক শক্তিশালী কৰাৰ বাবে গঠন কৰা হৈছিল অথচ বৰ্তমানৰ অগপৰ শীৰ্ষ নেতৃত্বই বিজেপিৰে মিত্ৰতা কৰি তেওঁলোকৰ আচল পৰিচয় হেৰুৱালে। বিজেপি-আৰ এছ এছে অসমৰ পৰা আঞ্চলিকতাবাদক নিঃশেষ কৰাৰ পৰিকল্পনা কৰিছে। সেয়ে তেওঁলোকে অগপৰ নেতাসকলক পথভ্ৰষ্ট কৰি তেওঁলোকক ৰাষ্ট্ৰীয়তাবাদীত পৰিণত কৰিছে।’ তেওঁ কয় যে সাম্প্ৰদায়িক বিজেপি-আৰ এছ এছে তেওঁলোকৰ আদৰ্শ জাপি দি অসমীয়া সংস্কৃতি শেষ কৰিব খুজিছে। ৰাজকোঁৱৰে কয়, ‘তেওঁলোকে হিন্দু-বাংলাদেশীক নাগৰিকত্ব প্ৰদান কৰি অসমত সংস্থাপিত কৰিব খুজিছে আৰু অগপ নেতৃত্ব বোবা হৈ আছে। মই অগপৰ শীৰ্ষ নেতৃত্বক এই ক্ষেত্ৰত নিজৰ স্থিতি স্পষ্ট কৰিবলৈ আহ্বান জনাইছো।’ তেওঁ লগতে কয় যে, ‘ত্ৰিপুৰা আৰু মেঘালয় নিৰ্বাচনৰ লক্ষ্য আগত ৰাখি হিন্দু-বাংলাদেশী ৰাজনীতি কাৰ্ড খেলি ভোট আদায়ৰ চেষ্টা কৰিছে। হিন্দু-বাংলাদেশীক বিজেপিয়ে নাগৰিকত্ব দিলে নিজ ৰাজ্যতে অসমৰ খিলঞ্জীয়া লোক সংখ্যা লঘুত পৰিণত হ’ব আৰু অসম হৈ পৰিব এখন বাংলাদেশী সংখ্যা গৰিষ্ঠ ৰাজ্য।’ তেওঁ কয় যে আঞ্চলিকতাবাদী কাৰ্যসূচীৰে অগপই দুবাৰকৈ চৰকাৰ গঠন কৰিবলৈ সক্ষম হৈছিল। আঅগপৰ সভাপতিজনে লগতে কয়, ‘অসমৰ খিলঞ্জীয়া সকলৰ অধিকাৰ সুৰক্ষাৰ প্ৰতিশ্ৰুতিৰে ক্ষমতা দখল কৰা সৰ্বানন্দ সোণোৱাল চৰকাৰে সম্পূৰ্ণ ওলোটা খৰ মাৰি হিন্দু-বাংলাদেশী নাগৰিকত্ব দিব খুজিছে। যিকোনো উপায়েৰে নহ’লেও আমাৰ অধিকাৰৰ সুৰক্ষা লাগিবই। সেই বাবে অগপই বিজেপিৰে মিত্ৰতা ভংগ কৰি অসমৰ জনগণৰ উন্নতিৰ পক্ষে কাম কৰা উচিত।’
অগপ নেতৃত্বৰ দুতলীয়া স্থিতিক সমালোচনা আঞ্চলিকতাবাদী অগপৰ
-
By NE NOW NEWS
- Categories: অসম
Related Content
মণিপুৰত পুনৰ হিংসা! দুটা গোটৰ মাজত গুলীয়াগুলিৰ সংঘৰ্ষত নিহত এজন
By
অভিক চক্ৰৱৰ্তী
April 27, 2024 12:45 pm
অযোধ্যাত বাছৰ পৰা উদ্ধাৰ ৯৫টি শিশু; আঁৰত ডাঙৰ ষড়যন্ত্ৰৰ সন্দেহ
By
অভিক চক্ৰৱৰ্তী
April 27, 2024 12:00 pm
বৰ্খাস্ত হ’ল শাৰীৰিক নিৰ্যাতনৰ অভিযোগত দোষী সাব্যস্ত অৰ্জুন বঁটা বিজয়ী চিআৰপিএফ বিষয়া
By
অভিক চক্ৰৱৰ্তী
April 27, 2024 10:32 am
বছৰত দুবাৰকৈ ব’ৰ্ড পৰীক্ষা পাতিব চিবিএছইয়ে! কেতিয়াৰ পৰা আৰম্ভ হ’ব নতুন পৰিকল্পনা?
By
অভিক চক্ৰৱৰ্তী
April 27, 2024 9:24 am
মুখ্যমন্ত্ৰীৰ মিথ্যা! বিজেপি চৰকাৰৰ দিনৰ ৰাস্তাক কংগ্ৰেছী শাসনৰ ৰাস্তা আখ্যা দি সমালোচিত হিমন্ত বিশ্ব শৰ্মা
By
অভিক চক্ৰৱৰ্তী
April 27, 2024 8:45 am
Supreme Court On NOTA: নোটাত বেছি ভোট পৰিলে কি হ’ব? নিৰ্বাচন আয়োগৰ পৰা উত্তৰ বিচাৰিলে উচ্চতম ন্যায়ালয়ে
By
অভিক চক্ৰৱৰ্তী
April 27, 2024 8:27 am