নৱগঠিত বাওঁ গণতান্ত্ৰিক মঞ্চই অসমৰ আসন্ন পঞ্চয়ত নিৰ্বাচনত এক ঐক্যবদ্ধ ফ্ৰণ্ট হিচাপে যুঁজ দিয়াৰ পৰিকল্পনা কৰিছে। সৰ্বমুঠ ১১ টা ৰাজনৈতিক দল একে ছাটীৰ তলত সমৱেত হৈ এই বাওঁ গণতান্ত্ৰিক মঞ্চ গঠন কৰিছে। এই মঞ্চত সমৱেত হোৱা দল সমূহ হ’ল চি পি আই (এম), চি পি আই, চি পি আই (এম এল), জনতা দল (ধৰ্মনিৰপেক্ষ), সমাজবাদী পাৰ্টি, এন চি পি, আপ, অসম সংগ্ৰামী মঞ্চ, লিবাৰেল ডেমক্ৰেটিক পাৰ্টি, অল ইণ্ডয়া ফ’ৰৱাৰ্ড ব্লক আৰু আৰচিপি আই। ১১ টা বিৰোধী দলে ঐক্যবদ্ধভাৱে পঞ্চায়ত নিৰ্বাচনত যুঁজ দিবলৈ লোৱা সিদ্ধান্তটো তাৎপৰ্যপূৰ্ণ যিহেতু শাসকীয় মৰ্চাৰ বিজেপি, এজেপি আৰু বিপিএফ প্ৰত্যেকেই স্বাধীনভাৱে নিৰ্বাচনত প্ৰতিদ্বন্দ্বিতা আগবঢ়োৱাৰ কথা ইতিমধ্যে ঘোষণা কৰিছে। এতিয়ালৈকে যদিও পঞ্চায়ত নিৰ্বাচনৰ দিন ঘোষণা কৰা হোৱা নাই তথাপি অহা ফেব্ৰুৱাৰী মাহৰ শেষৰ ফালে এই নিৰ্বাচন অনুষ্ঠিত হোৱাৰ সম্ভাৱনা আছে। উল্লেখযোগ্য যে ২০১৬ চনৰ জুলাই মাহত অসমৰ ১২ খন তৈলক্ষেত্ৰ নিলামৰ বিৰেধীতা কৰি এই মঞ্চ গঠিত হৈছিল। চৰাকৰে ভাৰতৰ ৪৮ খন তৈলক্ষেত্ৰ ব্যক্তিগতকৰণ কৰাৰ কথা ঘোষণা কৰিছিল। মঞ্চৰ অন্তৰ্ভুক্ত দলসমূহে নিৰ্বাচনত আসন ভাগাই লোৱাৰ সম্ভাৱনা আছে। কিন্তু মঞ্চৰ আহ্বায়ক দেৱেন ভট্টাচাৰ্যই জনোৱা অনুসৰি কংগ্ৰেছ আৰু এই আই আউ ডি এফৰ সৈতে আসন বুজাবুজি কৰাৰ সম্ভাৱনা নায়। দলকেইটাই ঐক্যবদ্ধ এজেণ্ডা লৈ নিৰ্বচনত অৱতীৰ্ণ হ’ব। উল্লেখযোগ্য যে এই মঞ্চই এন আৰ চি, বাংলাদেশী অনুপ্ৰৱেশকাৰী, বান সমস্যা আদি বিষয়ক লৈও মাত মাতি আহিছে। বাওঁ গণতান্ত্ৰিক মঞ্চই লগতে দাবী জনাই যে এন আৰ চিত নাম অন্তৰ্ভুক্তিৰ ক্ষেত্ৰত ১৯৭১ চনৰ ২৪ মাৰ্চেই ভিত্তি তাৰিখ হোৱা উচিত। মঞ্চই লগতে উচ্ছেদিত পৰিয়ালৰ সংস্থাপনৰ পৰিকল্পনা অবিহনে উচ্ছেদ অভিযান বন্ধ ৰখা আৰু ধৰ্মৰ ভিত্তিত উচ্ছেদ নচলোৱাৰ পোষকতা কৰে। হিন্দু শৰণাৰ্থীক নাগৰিকত্ব প্ৰদানৰ বিৰুদ্ধে হোৱা ব্যাপক জনবিক্ষোভৰ পৰিপ্ৰেক্ষিতত এই ৰাজনৈতিক দল সমূহে নাগৰিকত্ব সংশোধনী বিধেয়ক, ২০১৬ বাতিলৰ দাবীত আন্দোলন তীব্ৰতৰ কৰাৰো পৰিকল্পনা কৰিছে।
অসমৰ আসন্ন পঞ্চায়ত নিৰ্বাচনত যুঁজ দিব নৱগঠিত বাওঁ গণতান্ত্ৰিক মঞ্চই
-
By NE NOW NEWS
- Categories: অসম
Related Content
`প্ৰধানমন্ত্ৰী ডাঙৰীয়া, প্ৰতিজন ভাৰতীয়ই আমাৰ ভোট বেংক’-পত্ৰ লিখি মোদীক উভতি ধৰিল খাৰ্গেই
By
এন ই নাও নিউজ
May 2, 2024 3:46 pm
কোভিশ্বিল্ডৰ বাবে কন্যাৰ মৃত্যুৰ অভিযোগত ভেকচিন নিৰ্মাতাৰ বিৰুদ্ধে ব্যৱস্থা গ্ৰহণ অভিভাৱকৰ
By
এন ই নাও নিউজ
May 2, 2024 3:11 pm
পিতৃয়ে কিনি ৰাখিছিল মিঠাই, ফটকা! বিশ্বকাপত সুযোগ নাপাই কাক প্ৰথম ফোন ৰিংকু সিঙৰ?
By
এন ই নাও নিউজ
May 2, 2024 2:21 pm
কোভিশ্বিল্ডৰ পাৰ্শ্বক্ৰিয়া কিমান বিপদজনক? বিশেষজ্ঞ পেনেল গঠনৰ আবেদন উচ্চতম ন্যায়ালয়ত
By
এন ই নাও নিউজ
May 2, 2024 12:12 pm
মৰ্মান্তিক! বেঁকী নদীত গা ধুবলৈ গৈ বৰপেটা ৰোডৰ তিনি যুৱকৰ কৰুণ মৃত্যু
By
এন ই নাও নিউজ
May 2, 2024 11:05 am
কোভিড ভেকচিনৰ প্ৰমাণ পত্ৰৰ পৰা আঁতৰিল প্ৰধানমন্ত্ৰী মোডীৰ ফটো; কিয় দিয়া হ'ল আঁতৰাই?
By
এন ই নাও নিউজ
May 2, 2024 10:23 am