কঁহৰাত অাম গছৰ ডাল ভাগি পৰি নিহত ২৫ বছৰীয়া যুৱক
কাজিৰঙাৰ কঁহৰাত সোমবাৰে সংঘটিত এক দুৰ্ঘটনাৰ ফলত প্ৰজ্ঞান শইকীয়া (২৫) নামৰ এজন যুৱকৰ মৃত্যু হয়।
উল্লেখযোগ্য যে সোমবাৰে সন্ধ্যা কঁহৰাৰ বগৰিজুৰি তিনিআলিত সমনীয়াৰ সৈতে আম গছৰ তলত প্ৰজ্ঞান শইকীয়া বহি থকা অৱস্থাত তেওঁৰ গাৰ ওপৰত হঠাৎ গছৰ ডাল ভাগি পৰে।
ফলত প্ৰতক্ষদৰ্শী সকল তথা পৰিয়ালৰ লোকে গছৰ ডাল পৰি গুৰুতৰভাৱে আহত প্ৰজ্ঞানক চিকিৎসাৰ বাবে তাৎক্ষণিকভাৱে বোকাখাতলৈ নিয়ে। কিন্তু দুৰ্ভাগ্যবশত চিকিৎসকে যুৱকজনক মৃত ঘোষণা কৰে।
আনহাতে কঁহৰা নিবাসী নিৰ্মল শইকীয়াৰ একমাত্ৰ পুত্ৰ প্ৰজ্ঞান শইকীয়াৰ এনে অকাল মৃত্যুত সমগ্ৰ কাজিৰঙাতে এক শোকাকুল পৰিৱেশে বিৰাজ কৰিছে। আনহাতে একেটা স্থানতে আদিত্য শীল নামৰ আন এজন যুৱক পথ দুৰ্ঘটনাত গুৰুতৰভাৱে আহত হয় ৷ আহত যুৱকজনক চিকিৎসাৰ বাবে তেজপুৰলৈ প্ৰেৰণ কৰা হয় ৷