কলিয়াবৰৰ এজন যুৱকে সাজি উলিয়ালে ব্ৰাহ্ম’জ কিং ব্ৰাউজাৰ মোবাইল এপ

এনড্ৰইড মোবাইল ব্যৱহাৰকাৰীৰ বাবে সুখবৰ। কলিয়াবৰৰ জখলাবন্ধাৰ বাঘজানৰ এজন যুৱক ৰাজা বৰা। এই যুৱকজনে মোবাইল এপ উদ্ভাৱনৰ জৰিয়তে বিশেষ চৰ্চা লাভ কৰিবলৈ সক্ষম হৈছে। ৰাজাই উদ্ভাৱন কৰি উলিয়াইছে ব্ৰাহ্মজ কিং ব্ৰাউজাৰ। বৰ্তমান কলিয়াবৰ কলেজত অধ্যয়নৰত ৰাজাই ৮ মাহ জোৰা প্ৰচেষ্টাৰ অন্তত এই বিশেষ এপটো বিকাশ কৰিবলৈ সক্ষম হৈছে। ইতিমধ্যে Google Play Store ত যোৱা শনিবাৰৰ পৰা উপলব্ধ হৈছে Brahmos King Browser App টো।

নিজৰ অধ্যৱসায়ৰ অন্তত ৰাজাই সাজি উলিওৱা App টোৰ ব্যৱহাৰকাৰীসকলে বিশ্বৰ জ্ঞানৰ সম্ভাৰ, দেশ বিদেশৰ বা-বাতৰি, অনলাইন শ্বপিং, প্ৰতিযোগিতামূলক পৰীক্ষাত অৱতীৰ্ণ হোৱা কৌশল সম্পৰ্কে অৱগত হ’ব পাৰিব।

যি সময়ত অজিৰ একাংশ যুৱপ্ৰজন্মই অবাবত ফেচবুকত অনলাইন থাকি নাইবা অন্যান্য ছ’চিয়েল মেডিয়াত ব্যস্ত হৈ নিজৰ বহুমূলীয়া সময় অবাবত নষ্ট কৰিছে তেনে সময়তে ৰাজাৰ এনে পদক্ষেপ সঁচাই প্ৰশংসনীয়।