কাজিৰঙাৰ কাঞ্চনজুৰিত পথ দুৰ্ঘটনা, বনকৰ্মী আৰু গৃহৰক্ষী জোৱান আহত

কাজিৰঙাৰ ৰাষ্ট্ৰীয় উদ্যানৰ এটা গুৰুত্বপূৰ্ণ এনিমেল কৰিডৰ কাঞ্চনজুৰিৰ ৩৭ নং ৰাষ্ট্ৰীয় ঘাইপথত আজি সংঘটিত এক পথ দুৰ্ঘটনাত এজন বন কৰ্মী আৰু এজন গৃহৰক্ষী জোৱান গুৰুতৰভাৱে আহত হয়।

দুৰ্ঘটনাটোৰ ফলত আঘাত প্ৰাপ্ত বনকৰ্মীজনক বাদশ্বাহ আলী আৰু গৃহৰক্ষী জোৱানজনক জয়কান্ত পেগু বুলি চিনাক্ত কৰা হৈছ।

ঘটনাৰ বিবৰণী মতে, এখন তীব্ৰ বেগী টাটা ডি আই গাড়ীয়ে পথৰ কাষত ৰৈ থকা কৰ্মৰত বনকৰ্মী বাদশ্বাহ আলী আৰু গৃহৰক্ষী জোৱানক মহতিয়াই নিয়ে ৷

স্থানীয় লোকৰ সহযোগিতাত আহত লোক দুজনক ততাতৈয়াকৈ জখলাবন্ধা চিকিৎসালয়লৈ প্ৰেৰণ কৰা হয় ৷ জানিব পৰা মতে গৃহৰক্ষী জোৱান জয়কান্ত পেগুৰ অৱস্থা বৰ্তমান সংকটজনক ৷

আনহতে পথ দুৰ্ঘটনাটোৰ ফলত এটা ৰাইফলো নষ্ট হয় ৷