কেন্দ্ৰীয় পৰিকল্পনা, ৰসায়ন আৰু সাৰৰ স্বতন্ত্ৰ ৰাজ্যিক মন্ত্ৰী ৰাও ইন্দৰজিৎ সিঙে মঙলবাৰে অসমৰ ৰাজ্যপাল প্ৰফেচৰ জগদীশ মুখীক লগ কৰে গুৱাহাটীৰ ৰাজভৱনত। আলোচনা কালত কেন্দ্ৰীয় মন্ত্ৰীগৰকীয়ে ৰাজ্যপালগৰাকীৰ আগত তেওঁৰ বিভাগে অসমৰ বাবে গ্ৰহণ কৰা বিভিন্ন আঁচনি সমূহৰ বিষয়ে অৱগত কৰোৱায়। এই কথা জানিবলৈ পোৱা যায় ৰাজভৱনৰ পৰা প্ৰকাশিত এক প্ৰেছ বিজ্ঞপ্তিৰ জৰিয়তে।
কেন্দ্ৰই গ্ৰহণ কৰা ‘চবকা চাথ চবকা বিকাশ’ নামৰ শ্লোগানৰ আলম লৈয়ে আমাৰ বিভাগে বিভিন্ন উন্নয়ন মূলক আঁচনি শুভাৰম্ভ কৰিছে।
কেন্দ্ৰীয় মন্ত্ৰীগৰাকীয়ে কয় যে প্ৰধান মন্ত্ৰী নৰেন্দ্ৰ মোডীৰ নেতৃত্বত চৰকাৰখনে ভাল ফল দেখুওৱাৰ লগতে দেশৰ উদ্যোগ খণ্ডৰ উন্নয়ন সাধনৰ বাবে মোৰ দায়িত্বত থকা বিভাগ কেইটাৰো বিভিন্ন আঁচনি মঞ্জুৰ কৰিছে।
তেওঁ পুনৰ কয় যে নৰেন্দ্ৰ মোডীয়ে উত্তৰ-পূবৰ ৰাজ্য কেইখনক যিকোনো প্ৰকাৰে সৰ্বাংগীন উন্নয়ন সাধন কৰাৰ লগতে অঞ্চলটো দেশৰ ভিতৰতে জৈবিক হব হিচাপে পৰিণত কৰাত ব্ৰতী হৈছে সেয়ে আমাৰ বিভাগৰ তৰফৰ পৰাও ৰাজ্য চৰকাৰক যিকোনো ধৰণৰ সহায় সহযোগিতা কৰিবলৈ সম্পূৰ্ণ সাজু।
বৈঠকৰ অন্তত ৰাজ্যপাল মুখীয়ে কেন্দ্ৰীয় মন্ত্ৰীগৰাকীক ধন্যবাদ জনোৱাৰ লগতে কেন্দ্ৰীয় চৰকাৰৰসকলো ধৰণৰ আঁচনি ৰাজ্য চৰকাৰে সুকলমে প্ৰয়োগ কৰিব বুলিও আশ্বাস প্ৰদান কৰে।
