অসমীয়া খাদ্যৰ প্ৰশংসা, “হেপ্পি বিহু টু অল অব য়ু”, ক’লে অসমলৈ অহা বলিউদী তাৰকা কংগনা ৰানাৱটে

৫ জানুৱাৰিত গুৱাহাটীত উপস্থিত হোৱা বলিউদৰ মোহময়ী অভিনেত্ৰী কংগনা ৰানাৱটে অসমলৈ আহি খুবেই ভাল লগা বুলি কোৱাৰ লগতে অসমীয়া খাদ্যক হোটেলত তেওঁক ঘৰুৱা অসমীয়া খাদ্য দিয়া বাবে ধন্যবাদ দিয়ে।

“নিজকে বৰ সৌভাগ্যৱতী বুলি ভাবিছো। মোৰ নিজৰ ঘৰত থকাৰ দৰে লাগিছে।” অভিনেত্ৰীগৰাকীয়ে কয়।

“মই মানুহৰ যেনেকুৱা আদৰ পাইছো, হোটেলত যিদৰে মোৰ বাবে বিশেষ খাদ্য বনাই দিছে, সকলোতে মই বৰ আনন্দ পাইছো।”

অভিনেত্ৰীগৰাকীয়ে হোটেলত তেওঁক অসমীয়া খাদ্য দিয়া বুলি আৰু তাৰ বাবে সন্তোষ বুলি জানিবলৈ দিয়ে। আনহাতে অভিনেত্ৰীগৰাকীক আজি সকলো সময়তে অনুৰাগীয়ে ঘেৰি থকা দেখিবলৈ পোৱা গ’ল। বহুতে তেওঁৰ সৈতে ছেলফি উঠাৰো চেষ্টা কৰে।

উল্লেখযোগ্য যে আজি অভিনেত্ৰীগৰাকীয়ে কামাখ্য মন্দিৰ দৰ্শন কৰে। তেওঁ নিজকে মা শক্তিৰ এগৰাকী ভক্ত বুলি কয়। সংবাদ মাধ্যমৰ আগত সকলোকে বিহুৰ শুভেচ্ছা জনাই কংগনাই কয়, “হেপ্পি বিহু টু অল অব য়ু”।

মন কৰিব লগীয়া যে কংগনা ৰানাৱট গুৱাহাটীলৈ আহিব বুলি জানিব পাৰি ৫ জানুৱাৰিত বিমানবন্দৰত তেওঁক আদৰিবলৈ বহুতো অনুৰাগী ৰৈ আছিল। বিমানবন্দৰৰ পৰা অভিনেত্ৰীগৰাকী পোনে পোনে খানাপাৰালৈ যায় আৰু তাত এটা অনুষ্ঠানত অংশগ্ৰহণ কৰে। ৰাতি অভিনেত্ৰীগৰাকী গ্ৰীন উডছ ৰিজ’ৰ্টত কটায়। আজি ৰানাৱটে চিৰাঙত অনুষ্ঠিত হৈ থকা দৈজিং মহোৎসৱত অংশগ্ৰহণ কৰাৰ কথা।