মহানগৰীত ট্ৰাক চালকৰ দৌৰাত্ম্য নতুন কথা নহয়। ট্ৰাক চালকৰ দৌৰাত্ম্যৰ ফলত বহু লোকে প্ৰাণ হেৰুৱাব লগীয়া হোৱাৰ দৰে ঘটনাও প্ৰায়ে সংঘটিত হৈ আহিছে।
তেনে এক ঘটনাই সংঘটিত হ’ল দিছপুৰ ৰাজধানী মছজিদৰ সমীপত। শনিবাৰে নিশা প্ৰায় ২ মান বজাত উদণ্ড ট্ৰাকচালকৰ খুন্দাত প্ৰাণ গ’ল আৰক্ষী সঞ্চালক প্ৰধানৰ কাৰ্য্যালয়ত কৰ্মৰত এগৰাকী আৰক্ষী কনিষ্টবল।
দিছপুৰ আৰক্ষীয়ে আমাক জনোৱা অনুসৰি মৃত আৰক্ষী কনিষ্টবল নয়ন দাস(২৬)ৰ ঘৰ ক্ষেত্ৰীৰ মালৈবাৰীত।
জানিব পৰা মতে কনিষ্টবল গৰাকীয়ে এখন এচিভাৰ বাইকেৰে চিঠি কঢ়িয়াই লৈ গৈ আছিল ডি জি পি কাৰ্য্যালয়লৈ। যোৱাৰ পথত গণেশগুৰিৰ ৰাজধানী মছজিদৰ সমীপতে এখন দ্ৰুতবেগী ট্ৰাকে বাইকৰ সৈতে মহতিয়াই নিয়ে আৰক্ষী কনিষ্টবলজনক। দুৰ্ঘটনাৰ ফলত থিতাতে নিহত হয় কনিষ্টবলজন।
ঘটনাস্থলীত লগে লগে দিছপুৰ আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে জি এম চি এইছলৈ প্ৰেৰণ কৰে।
দিছপুৰ আৰক্ষীয়ে জনোৱা মতে ট্ৰাকখনত ধৰিবৰ বাবে আৰক্ষীয়ে চেষ্টা কৰিছিল যদিও বৰষুণৰ সুযোগ লৈ ট্ৰাকখনে পলায়ন কৰে
