আমাৰ ছালত গোটেই বছৰটো কম বেছি পৰিমাণে ফোঁহা, প্ৰদাহ বা ঘামচি আদি হৈ থাকে। কিন্তু ছালৰ কেইবাটাও সমস্যাক অৱহেলা কৰিলে সেয়া কিন্তু মাৰাত্মক হৈ পৰিব পাৰে। আমাৰ ছালৰ বিভিন্ন তৰপ ইমানেই সংবেদনশীল যে আমাৰ অসাৱধানতাৰ বাবে সৰু প্ৰদাহ বা ফোহা এটাইও কেন্সাৰৰ দৰে মাৰাত্মক ৰোগৰ সৃষ্টি কৰিব পাৰে।
ছালৰ বিভিন্ন প্ৰকাৰৰ ৰোগ আছে। মূলতঃ চিকিৎসকে তিনি প্ৰকাৰৰ ছালৰ কৰ্কট ৰোগৰ কথা কয়। বেচেল চেল কাৰ্চিনোমা, স্কোৱামোছ চেল কাৰ্চিনোমা আৰু মেলানোমা। এই মেলানোমা আৰম্ভণিতে নিৰাময়ৰ বাবে আহি আছে ভেকচিন।
মেলানোমাৰ চিকিৎসাৰ বাবে বিশ্বৰ প্ৰথমটো mRNA কেন্সাৰ ইমিউন’থেৰাপি আৰম্ভ হ’বলৈ গৈ আছে। ইউনিভাৰ্চিটি কলেজ অফ লণ্ডনে মেলানোমাৰ আশংকা হ্ৰাস কৰিব পৰা ভেকচিন প্ৰস্তুত কৰিছে। মানুহৰ ওপৰত মেচেঞ্জাৰ আৰ এন এ (আৰ এন এ প্ৰযুক্তি) ভেকচিনৰ ক্লিনিকেল ট্ৰায়েল আৰম্ভ হৈছে।
লগতে পঢ়কঃ কোভিশ্বিল্ড ভেকচিন লোৱাসকলৰ হ’ব পাৰে এই বিৰল ছাইড এফেক্ট; স্বীকাৰ কৰিলে এষ্ট্ৰাজেনেকাই
মডাৰ্না আৰু মাৰ্ক শ্বাৰ্কৰ mRNA প্ৰযুক্তি ব্যৱহাৰ কৰি এই ভেকচিন প্ৰস্তুত কৰা হৈছে। এই গৱেষণা প্ৰকাশ পাইছে দ্য লেন্সেটত। গৱেষকসকলে কয় যে এই ভেকচিনৰ পৰীক্ষা আৰম্ভ হৈছে। প্ৰাথমিক অধ্যয়নত দেখা গৈছে যে এই ভেকচিনে মেলানোমাৰ সম্ভাৱনা ৪৯ শতাংশ হ্ৰাস কৰিব পাৰে।
বিশেষজ্ঞসকলে কয় যে আগতে আমেৰিকা, ইংলেণ্ড বা অষ্ট্ৰেলিয়াৰ লোকসকলৰ টাইপ ৱান ছাল বুলি ভবা হৈছিল। অতি বগা সেই ছালত মেলানিন কম থাকে। ফলত প্ৰত্যক্ষভাৱে অতিবেঙুনীয়া ৰশ্মি শৰীৰত প্ৰৱেশ কৰে। ফলত মাৰাত্মক মেলানোমাৰ সম্ভাৱনা বেছি।
আনহাতে, ভাৰতীয়সকলৰ ছাল হৈছে টাইপ ফোৰ ফাইভ। ইয়াত মেলানিনৰ সুৰক্ষা থাকে। গতিকে মেলানোমাৰ দৰে ছালৰ কৰ্কট ৰোগৰ সম্ভাৱনা কম। কিন্তু এতিয়া দেখা গৈছে যে যিকোনো ছালতে এই কেন্সাৰৰ আশংকা থাকে। সাধাৰণতে ভৰিৰ তলৰ অংশত মেলানোমা বেছিকৈ দেখা দিয়ে। এই ধৰণৰ কেন্সাৰ গোৰোহা, ভৰিৰ পতা, ভৰিৰ আঙুলি, যৌনাংগতো দেখা যাব পাৰে।
লগতে পঢ়কঃ পতঞ্জলিৰ ১৪টা সামগ্ৰীৰ অনুজ্ঞাপত্ৰ বাতিল; ৰামদেৱৰ বিৰুদ্ধে দাখিল অপৰাধমূলক গোচৰ
বিশেষজ্ঞসকলে কয় যে আজিৰ দিনত যি ধৰণৰ চুলিৰ ৰং বা প্ৰসাধন সামগ্ৰীৰ ব্যৱহাৰ কৰা হয় তাত ছালৰ কৰ্কট ৰোগৰ বাবে দায়ী ৰাসায়নিক পদাৰ্থ থাকে।
