ডিমা হাচাওত লংকা-উমৰাঙচু পথৰ দাঁতিত গাড়ী চালকৰ মৃতদেহ উদ্ধাৰ

ডিমা হাচাও জিলাৰ উমৰাঙচুৰ লংখু আৰক্ষী চকীৰ অন্তৰ্গত ডেগ্ৰাম গাঁৱৰ বৰাকত সোমবাৰে পুৱা এজন গাড়ী চালকৰ মৃতদেহ উদ্ধাৰ হয়।

উল্লেখযোগ্য  যে কৰিমগঞ্জ জিলাৰ বদৰপুৰৰ জনৈক  গাড়ী চালক মিৰ্তাজা আলম (২০) ৰ ডিঙি কটা মৃতদেহ পুৱা প্ৰায় সাত বজাত উমৰাঙচু আৰক্ষীয়ে লংকা-উমৰাঙচু পথৰ দাঁতিৰ পৰা উদ্ধাৰ কৰে।

জানিব পাৰা মতে মিৰ্তাজা দেওবাৰে এ আৰ ০৩৩৩৭৬ নম্বৰৰ এখন এল্ট’ ৮০০ গাড়ীৰে বদৰপুৰৰ পৰা হোজাই গৈছিল।

সোমবাৰে পুৱা চালকজনৰ মৃতদেহ উদ্ধাৰ হোৱালৈ চাই আৰক্ষীয়ে কোনো গাড়ী চোৰ চক্ৰই চালকজনক হত্যা কৰি এনেদৰে পেলাই থৈ যোৱা বুলি সন্দেহ প্ৰকাশ কৰিছে।

উল্লেখযোগ্য যে নিহত চালকজন বৰাকৰ কৰিমগঞ্জ জিলাৰ বদৰপুৰ আৰক্ষী থানাৰ অন্তৰ্গত কোনাপাৰা গাঁৱৰ নিৱাসী বুলি জানিব পৰা গৈছে।