ডিমৌত ভাৰতীয় সেনাৰ দ্বাৰা চিকিৎসা শিবিৰ আয়োজন

‘পাৰ্চেপশ্যন মেনেজমেণ্ট প্ৰগ্ৰেম’ৰ অধিনত আজি শিৱসাগৰ জিলাৰ ডিমৌৰ ওচৰৰ কমলদৈ পুল গাৱঁত লাইপুলি ব্ৰিগেডৰ সহযোগত ডিব্ৰুগড় বেটেলিয়নে এক চিকিৎসা শিবিৰ আয়োজন কৰে।

চিকিৎসা শিবিৰটোত  অঞ্চলটোৰ শিশু, মহিলা আৰু বয়োজ্যেষ্ঠকে ধৰি সকলো বয়সৰ লোককে চিকিৎসা, পৰামৰ্শ তথা বিশেষজ্ঞ চিকিৎসকৰ দ্বাৰা চিকিৎসা প্ৰদান কৰা হয়।

উক্ত শিবিৰটোত এগৰাকী আবাসিক চিকিৎসা বিষয়া, এগৰাকী দন্ত চিকিৎসক, সেনা বাহিনীৰ দুগৰাকী চিকিৎসা বিষয়া, এগৰাকী চকু বিশেষজ্ঞ, ই এন টি বিশেষজ্ঞ আৰু অসম চিকিৎসা মহাবিদ্যালয়ৰ ঔষধ বিশেষজ্ঞকে ধৰি মুঠ ৭ গৰাকী চিকিৎসকে উপস্থিত লোকসলকল চিকিৎসা সেৱা আগবঢ়াই।

প্ৰায় ৭০০ৰ পৰা ৮০০ লোকে চিকিৎসা সেৱা গ্ৰহণ কৰা চিকিৎসা শিবিৰটোত লোকসকলক বিনামূল্য ঔষধ বিতৰণ কৰা হয়।

চিকিৎসা শিবিৰটোৱে স্থানীয় লোকসকল পৰা পৰা অভুতপূৰ্ব সঁহাৰি লাভ কৰাৰ লগতে লোকসকলে ভাৰতীয় সেনাৰ উক্ত প্ৰচেষ্টাক ভূয়সী প্ৰশংসা কৰা দেখা যায়।