দেওবাৰে ডিব্ৰুগড়ৰ ডিডিএছএ ষ্টেডিয়ামত অনুষ্ঠিত তৃতীয় জে কে এম ট্ৰফি দিবা-নৈশ টি-২০ ক্ৰিকেট টুৰ্নামেণ্টৰ ফাইনেল খেলত দিল্লী অ’এনজিচিয়ে ডিব্ৰুগড় ক্ৰিকেট ক্লাবক ৬ টা উইকেটত পৰাজিত কৰে।
প্ৰথমে বেটিং কৰা ডিব্ৰুগড় ক্ৰিকেট ক্লাবে ২০ অ’ভাৰত ৮৬ ৰান সংগ্ৰহ কৰে। দলটোৰ ৰাজদীপ দাসে ৩৬ টা বলত ২৭ ৰান আৰু সুব্ৰজিত চাহুৱে ২০ ৰান সংগ্ৰহ কৰে।
আনহাতে অ’ এন জি চিৰ সুমিত নাৰৱালে ৩ অ’ভাৰ ৩ টা বলত ১৬ ৰান দি ৪ টা উইকেট আৰু প্ৰবীণ গুপ্তাই ৪ অ’ভাৰত ১৫ ৰান দি ৩ টা উইকেট সংগ্ৰহ কৰিবলৈ সক্ষম হয়।
আনহাতে প্ৰত্যুত্তৰত অ’এনজিচি দলে ১৮ অ’ভাৰ ৩ টা বলত ৮৯ সংগ্ৰহ কৰি বিজয়ী হয়।
অ’এনজিচি দলটোৰ লক্ষ্য ফানেজানে চাৰিটা বাউণ্ডেৰীসহ ২৮ টা বলত ২৬ ৰান সংগ্ৰহ কৰাৰ লগতে মায়াঙ্ক টেহলানে ২৯ টা বলত ২ টা বাউণ্ডেৰীসহ ২২ ৰান সংগ্ৰহ কৰে। ইফালে ডিব্ৰুগড় ক্ৰিকেট ক্লাবৰ সমিক দাসে ২ টা উইকেট সংগ্ৰহ কৰে।
অ’ এন জি চি দলটোৰ সুমিত নাৰৱাল আৰু মায়াঙ্ক টেহলানে মেন অব দা মেচ আৰু মেন অব দা ছিৰিজৰ সন্মান লাভ কৰে।
ডিব্ৰুগড়ৰ সাংসদ ৰামেশ্বৰ তেলী আৰু প্ৰসিদ্ধ ব্যৱসায়ী যুগল কিশোৰ মহন্তই অ’ এন জি চি দিল্লীক বিজয়ী ট্ৰফী প্ৰদান কৰে।
টুৰ্নামেণ্টখনত বিজয়ী দলে ১ লাখ টকাৰ চেক লাভ কৰাৰ বিপৰীতে ৰানাৰ্ছআপৰ দলে ৫০,০০০ টকাৰ চেক লাভ কৰে।
উক্ত টুৰ্নামেণ্টখনত মুখ্য অতিথি হিচাপে উপস্থিত থকা ডিব্ৰুগড়ৰ সাংসদ ৰামেশ্বৰ তেলীয়ে কয় যে তেওঁ প্ৰথমবাৰৰ বাবে সম্পূৰ্ণভাৱে টি-২০ ক্ৰিকেট খেল পৰিদৰ্শন কৰিছে। লগতে তেওঁ কয় যে এনেধৰণৰ ক্ৰিকেট টুৰ্নামেণ্টে বিভিন্ন অঞ্চলত থকা প্ৰতিভাৱান খেলুৱৈ সকলক বিচাৰি উলিওৱাত সহয়া কৰে আৰু ইয়াৰ বাবে তেওঁ টুৰ্নামেণ্টখন আয়োজন কৰা অয়োজক সকলক তেওঁ ধন্যাবদ জ্ঞাপন কৰে।
উক্ত ক্ৰিকেট টুৰ্নামেণ্টখন অসম ক্ৰিকেট এছ’চিয়েচনৰ ডিব্ৰুগড় ক্ৰিকেট ক্লাবে আয়োজন কৰিছিল আৰু এই টুৰ্নামেণ্টত ১৬ টা দলে অংশ গ্ৰহণ কৰিছিল।
