অসম ৰাইফলছৰ ৩০নং গোটৰ বিষয়াৰ সৈতে মেজৰ কানৱাৰবীৰ সিঙ আৰু ১২জন জোৱানে ৰাইজিং দিৱসত ভাগ লোৱাৰ উদ্দেশ্যৰে এটা চাইকেল ৰেলীৰ যাত্ৰা কৰিছে। এই চাইকেল ৰেলীটো যোৱা ৮ জানুৱাৰি তাৰিখে অসম ৰাইফলছৰ মুখ্য কাৰ্যালয়ৰ পৰা আনুষ্ঠানিকভাবে যাত্ৰা কৰিছিল। আৰু এই দলটোৱে আজি ধৰ্মনগৰৰ ট্ৰাঞ্জিত কেম্পত আহি উপস্থিত হয়।
লক্ষণীয় যে, শুত্ৰৰ পৰা পোৱা তথ্য অনুসৰি এই দলটোৱে জানুৱাৰিৰ ১২ তাৰিখে অসমৰ শিলচৰত উপস্থিত হ’ব আৰু তাতেই ১৩ জানুৱাৰি তাৰিখে ৰাইজিং দিৱস উদযাপন কৰিব।
ৰেলীত অংশগ্ৰহণ কৰা অংশগ্ৰহণকাৰীয়ে সংবাদ মাধ্যমক জানিবলৈ দিয়ে যে ইন্সপেক্টৰ জেনেৰেল আসাম ৰাইফলছ ইষ্টৰ ষষ্ঠ সংখ্যক স্থাপনা দিবস হিচাপে আয়োজন কৰা এই ৰেলী উদ্বোধন কৰে ব্ৰিগেডিয়ৰ অশ্বিনি নায়াৰে। পাচদিনীয়া ৰেলীত শিলচৰক সাঙুৰি অসম আৰু ত্ৰিপুৰাৰ মুঠ ছয়খন জিলাক সামৰি ল’ব।
উত্তৰ-পূববাসীৰ মাজত শান্তি-সম্প্ৰীতি তথা ঐক্য বজায় ৰখাৰ স্বাৰ্থত এই ৰেলীখনৰ আয়োজন কৰা হৈছে। এই ৰেলীৰ সময়চোৱাত প্ৰাক্তন সেনা কৰ্মচাৰী সকলৰ লগতো সম্পৰ্ক ৰক্ষা কৰাৰ চেষ্টা কৰিছিল বুলি জানিব পৰা যায়।
মনকৰিবলগীয়া যে শিলচৰ পাবলৈকে এই দলটোৱে মুঠ ৩৩৯ কি.মি. অতিক্ৰম কৰিব লাগিব।
