যি সময়ত অসমৰ ব্ৰহ্মপুত্ৰ উপত্যকাত নাগৰিকত্ব (সংশোধনী) বিধেয়ক গৃহীত হোৱাৰ বিপক্ষে তীব্ৰ গণ-বিক্ষোভ প্ৰদৰ্শন হৈ আছে সেই একেই সময়তেই একেখন বিধেয়কক আইনত পৰিণত কৰাৰ দাবীত একেখন ৰাজ্যৰে আনটো অংশ- বৰাক উপত্যকাৰ দল সংগঠনে সম্পূৰ্ণ বিপৰীত স্থিতি গ্ৰহণ কৰিছে।
শেহতীয়াভাৱে লাভ কৰা তথ্য অনুসৰি নাগৰিকত্ব (সংশোধনী) বিধেয়ক, ২০১৬ক আইনত পৰিণত কৰাৰ বাবে শিলচৰৰ পৃথক বৰাক দাবী সমিতিয়ে এলানি প্ৰতিবাদী কাৰ্যসূচী হাতত লৈছে।
সংগঠনটোৱে নাগৰিকত্ব সংশোধনী বিধেয়ক,২০১৬ক সংসদত গৃহীত কৰাৰ দাবীত আজি ৭ জুনৰ পৰা অনিৰ্দিষ্টকালীন অনশনত বহাৰ কাৰ্যসূচী গ্ৰহণ কৰিছে।সমিতিৰ সভাপতি অতীন দাস আৰু সম্পাদক শুভদ্বীপ দত্তই এটা সংবাদমেলত প্ৰকাশ কৰিছে যে যিহেতু ভাৰত বিভাজন হৈছিল ধৰ্মৰ ভিত্তিত, সেয়েহে ধৰ্মৰ ভিত্তিত নাগৰিকত্ব প্ৰদান কৰাটো যুক্তিসংগত কিন্তু ভাৰতত প্ৰথমৰ পৰাই শৰণাৰ্থীসকলক নাগৰিকত্ব প্ৰদান কৰাৰ ব্যৱস্থা গ্ৰহণ কৰা হোৱা নাই
গতিকে সমিতিয়ে দাবী কৰে যে নাগৰিকত্ব সংশোধনী বিধেয়ক সংসদত গৃহীত কৰি যাতে এই আসোঁৱাহ দূৰ কৰা হয়।
