নিৰ্বাচনৰ দিন চমু চাপি অহাৰ সময়তে যোৱা শনিবাৰে ত্ৰিপুৰাত এজন বিজেপি কৰ্মীৰ হত্যাকাণ্ড সংঘটিত হোৱাৰ খবৰ পোৱা গৈছে। নতুনকৈ বিজেপিত যোগদান কৰা উক্ত কৰ্মীজনক চি পি আই এমৰ কেডাৰে হত্যা কৰাৰ অভিযোগ তুলিছে জ্যেষ্ঠ বিজেপি নেতা তথা মুখপাত্ৰ সুনীল দেউধৰে। প্ৰাপ্ত তথ্য মতে সুনীল দেৱ বুলি চিনাক্ত হোৱা নিহত লোকজনৰ ক্ষতবিক্ষত মৃতদেহ উত্তৰ-ত্ৰিপুৰাৰ কাঞ্চনপুৰৰ বজাৰৰ কাষত উদ্ধাৰ কৰা হৈছিল। উক্ত হত্যাকাণ্ডটোত চি পি আই এম জড়িত আছে বুলি অভিযোগ তুলি বিজেপিৰ ৰাজ্যিক মুখপাত্ৰ সুনীল দেউধৰে কয় যে প্ৰাক্তন চি পি আই এম কৰ্মী সুনীল দেৱে অলপতে উক্ত দলটোৰ পৰা ওলাই আহি বিজেপিত যোগদান কৰাৰ বাবে তেওঁক হত্যা কৰা হৈছে। বাঁও শাসিত ত্ৰিপুৰাত বছৰটোত বিজেপি কৰ্মীৰ ওপৰত হোৱা এইটো পঞ্চমটো হত্যাকাণ্ড বুলি উল্লেখ কৰি তেওঁ কয় যে ৰাজ্যখনত বিৰোধী দলৰ কৰ্মী-সমৰ্থক সকল সদায় মৃত্যুৰ ভয়ত থাকিব লগা হয়। ঘটনাটোক তীব্ৰ ভাষাৰে গৰিহণা দি দেউধৰে ৰাজ্যখনত আৰক্ষীৰ ভূমিকাকো সমালোচনা কৰি কয় যে আৰক্ষীয়ে চি পি আই এমৰ কেডাৰৰ নিচিনাকৈ কাম কৰি আহিছে। মন কৰিব লগীয়া যে আজি কিছু দিনৰ আগতে বিজেপিৰ অন্য এজন কৰ্মী গড় হৰি মলছমক উদয়পুৰৰ কিল্লা আৰক্ষী চকীৰ অন্তৰ্গত ৰাইপাৰা গাঁৱত কোনো অচিনাক্ত দুৰ্বৃত্তই হত্যা কৰিছিল। দেউধৰে উক্ত হত্যাকাণ্ডটোটো চি পি আই এম জড়িত আছিল বুলি অভিযোগ কৰে। ইয়াৰ উপৰি যোৱা দুইমাহৰ ভিতৰত ত্ৰিপুৰাত দুজনকৈ সাংবাদিকৰ হত্যাকাণ্ড সংঘটিত হৈ যায়। নিৰ্বাচনৰ প্ৰাকক্ষণত হৈ অহা এই ধৰণৰ হত্যাকাণ্ডই ৰাজ্যখন অস্থিৰ কৰি অহাৰ লগতে প্ৰতিবাদ, বন্ধ আৰু বিভিন্ন ধৰণৰ হিংসাত্মক কাৰ্যকলাপে সাধাৰণ ৰাইজৰ জন-জীৱন ব্যাহত কৰি তুলিছে।
নিৰ্বাচন অভিমুখী ত্ৰিপুৰাত বিজেপি কৰ্মীক নৃশংস হত্যা
-
By NE NOW NEWS
- Categories: ত্ৰিপুৰা
Related Content
LOKSABHA ELECTION 2024: উত্তৰ-পূবৰ ১৫খন লোকসভাৰ আসনৰ বাবে আৰম্ভ ভোটগ্ৰহণ
By
পিনাকী দাস
April 19, 2024 8:35 am
উৎসৱৰ ভিৰ নিয়ন্ত্ৰণৰ বাবে অধিক হোলী বিশেষ ৰে'ল; কেইখনমান ৰে'লৰ অতিৰিক্ত ষ্টপেজ প্ৰদান
By
পিনাকী দাস
March 24, 2024 8:48 am
লোকসভা নিৰ্বাচনৰ পূৰ্বে শক্তি বৃদ্ধি বিজেপিৰঃ এন ডি এত যোগদান টিপ্ৰা মথাৰ
By
পিনাকী দাস
March 6, 2024 5:37 pm
মৰ্মান্তিক! ৮ দিন পুত্ৰৰ মৃতদেহৰ সৈতে বাস কৰিলে ত্ৰিপুৰাৰ ৮২ বছৰীয়া বৃদ্ধাই
By
পিনাকী দাস
March 5, 2024 8:30 pm
কৰ্কট ৰোগত আক্ৰান্ত হৈ ২৯ বছৰ বয়সতে মৃত্যু মিছ ইণ্ডিয়া খিতাপ বিজয়ী জনপ্ৰিয় মডেলৰ
By
পিনাকী দাস
February 29, 2024 1:11 pm
দুটা সিংহই খালে ত্ৰিপুৰাৰ বন বিষয়াৰ চাকৰি; সিংহৰ নামকৰণক লৈ বিতৰ্ক গৈ পাইছিল আদালত
By
পিনাকী দাস
February 26, 2024 5:33 pm