নিৱনুৱা সমস্যাৰ সময়তে বঙাইগাঁৱৰ এজন খেতিয়কৰ কবি খেতিৰ জৰিয়তে সফলতা অৰ্জন
ৰাজ্যখনত নিৱনুৱা সমস্যাই গা কৰি উঠাৰ সময়তে বঙাইগাঁও জিলাৰ উত্তৰ শালমাৰা মহকুমাৰ অন্তৰ্গত বৃহত্তৰ শৌলমাৰী কোকিলা, নাম্বাৰপাৰা, কাৱাইটাৰী অঞ্চলৰ একাংশ খেতিয়কে বন্ধাকবি , ওল কবি , ফুলকবি খেতি কৰি সফলতা অৰ্জন কৰিছে।
উল্লেখযোগ্য যে কাৱাইটাৰী প্ৰথম খণ্ডৰ নিৱাসী ভেবল বিশ্বাসে শাক-পাচলিৰ খেতি কৰি বছৰি প্ৰায় দুই লক্ষাধিক টকা উপাজৰ্ন কৰি অঞ্চলটোৰ আৰ্দশ খেতিয়ক হৈ পৰিছে।
বিশ্বাসে ৪ বিঘা মাটিত ফুল কবি, বন্ধাকবি, ওল কবি, মটৰ, আৰু আলু খেতি কৰি সুন্দৰকৈ পৰিয়াল পোহপাল দিবলৈ সক্ষম হৈছে।
জানিব পৰা মতে প্ৰতি বিঘা মাটিত ১০/১৫ হাজাৰ টকা খৰচ কৰি বিশ্বাসে অৰ্ধলক্ষাধিক টকা উপাৰ্জন কৰিবলৈ সক্ষম হৈছে।
আনহাতে বিশ্বাসে দুখ প্ৰকাশ কৰি কয় যে চৰকাৰে এই ক্ষেত্ৰত তেওঁক কোনো ধৰণৰ সহায়, সহযোগীতা আগবঢ়োৱা নাই।
লগতে তেওঁ চৰকাৰী সংস্থাপনৰ আশা বাদ দি নিজে বৈজ্ঞানিক পদ্ধতিৰে খেতি কৰিলে অধিক সফলতা লাভ কৰাৰ সম্ভাৱনা আছে বুলিও কয়।