বন্যপ্ৰাণীক উদ্ধাৰৰ বাবে উদ্ধাৰকাৰী সংস্থাক তীখাৰ নাও প্ৰদান কাৰিকৰী প্ৰতিষ্ঠানৰ

বাৰিষা আৰম্ভ হোৱাৰ সময়তে ৰাষ্ট্ৰীয় উদ্যান কাজিৰঙাত বানপানীত আক্ৰান্ত বন্যপ্ৰাণীক সমূহক সুৰক্ষা প্ৰদান কৰা আৰু পুনৰ্বাসন কৰাৰ বাবে বিভিন্ন অভিলাসী আঁচনি গ্ৰহণ কৰিছে কাজিৰঙাৰ বন বিভাগে।

বন বিভাগৰ এই প্ৰচেষ্টাক ফলৱতী কৰাত সহায় কৰিবলৈ তথা  বানপানীৰ সময়চোৱাত দুৰ্যোগৰ কবলত পৰা বন্যপ্ৰাণীক উদ্ধাৰ কৰি উদ্যানখনত বাস কৰা বন্যপ্ৰাণী সুৰক্ষাৰ দিশটো অধিক ফলপ্ৰসূ কৰি তোলাৰ উদ্দেশ্য চাওদাংপথাৰ কাৰিকৰী প্ৰশিক্ষণ কেন্দ্ৰই আজি (গোলাঘাট) বন্যপ্ৰাণী পুনৰ্বাসন আৰু সংৰক্ষণ কেন্দ্ৰক (Centre for Wildlife Rehabilitation and Conservation চমুকৈ CWRC) এখন তীখাৰ নাও প্ৰদান কৰিছে।

এই নাওখনৰ নক্সা প্ৰস্তুত কৰিছে গোলাঘাটৰ কাৰিকৰী প্ৰশিক্ষণ কেন্দ্ৰটোৰ আৱিষ্কাৰকসকলে। পৰীক্ষামূলক ব্যৱহাৰৰ বাবে এই নাওখন বানপানীৰ সময়ত উদ্ধাৰ কাৰ্যত ব্যৱহাৰ কৰা হ’ব।

উল্লেখ্য যে বন্যপ্ৰাণী পুনৰ্বাসন আৰু সংৰক্ষণ কেন্দ্ৰ হৈছে প্ৰাণী কল্যাণৰ হকে আন্তৰ্জাতিক নিধি (International Fund for Animal Welfare), ভাৰতীয় বন্যপ্ৰাণী ন্যাস আৰু অসম বন বিভাগৰ এটা যুটীয়া বন্যপ্ৰাণী পৰিচৰ্যাৰ স্থান।

কাজিৰঙা সংৰক্ষিত বনাঞ্চলৰ কাষত থকা পানবাৰী সংৰক্ষিত বনাঞ্চলত উল্লেখ্য যে বন্যপ্ৰাণী পুনৰ্বাসন আৰু সংৰক্ষণ কেন্দ্ৰটো অৱস্থিত।