শোণিতপুৰ জিলাৰ অন্যতম বৃহৎ সাপ্তাহিক বজাৰ বালিপৰাৰ দেওবৰীয়া খেলমাটি বজাৰখন আজিৰে পৰা অৰ্নিদিষ্ট কাললৈ বন্ধ কৰা হৈছে। শোণিতপুৰ জিলা পৰিষদৰ অন্তৰ্গত উক্ত বজাৰখনৰ কদৰ্যময় পৰিবেশৰ বাবে আজি এই সিদ্ধান্ত লয় ব্যৱসায়ীসকলে।
উল্লেখ্য যে জিলাখনৰ বিভিন্ন প্ৰান্তৰ পৰা দেওবৰীয়া উক্ত সাপ্তাহিক বজাৰখনলৈ ব্যৱসায়ী আৰু গ্ৰাহকৰ আগমন ঘটে। কিন্তু বজাৰখনত বোকাময় পৰিস্থিতিৰ বাবে খোজ দিব নোৱাৰা অৱস্থাৰ সৃষ্টি হৈ অহাৰ বাবে ব্যৱসায়ীসকলে বাৰাম্বাৰ মহলদাৰক যথোচিত ব্যৱস্থা গ্ৰহণৰ বাবে অনুৰোধ জনাই আহিছিল।
ইপিনে ব্যৱসায়ীসকলৰ বাৰাম্বাৰ অনুৰোধৰ পাছতো কোনো ফল নধৰাত আজি উপায়ন্তৰ হৈ ব্যৱসায়ীসকলে বজাৰ বন্ধ কৰাৰ কথা ঘোষণা কৰে। আনহাতে, অনতিপলমে যদি প্ৰশাসনে এইক্ষেত্ৰত বিহিত ব্যৱস্থা গ্ৰহণ নকৰে তেতিয়াহ’লে ব্যৱসায়ীসকলে অনিৰ্দ্দিষ্টকাললৈ বজাৰখন বন্ধ কৰি দিয়াৰ হুংকাৰ দিয়ে।
